Car Secrets Revealed

Ingaruka z'itabi ku matwi

2012-02-19T01:57:00.000-08:00

Umwana iyo ashyizwe hafi y’ahantu barimo kunywera itabi, ngo byongera amahirwe yo kuba yagira ibibazo by’amatwi mu gihe akuze, aho ngo umwotsi w’itabi ushobora kuba watera umwana indwara y’umuhaha.

Urubuga rwa internet, Destinationsante ruvuga ko abashakashatsi mu kigo kita ku by’ubuzima i New York muri Leta Zunze ubumwe za Amerika bakoze inyigo ku bana 1533 bafite hagati y’imyaka 12 na 19, aho babazaga ibibazo byerekeye ubuzima babamo mu miryango yabo ndetse babafata n’ibizami kugira ngo barebe mu by’ukuri ingano y’uburozi buva mu itabi baba bafite mu mubiri wabo.

Ubu bushakashati rero bukaba bwaragaragaje ko uko nicotine cyangwa se uburozi buba mu itabi bwiyongera mu mubiri w’umwana, ari na ko ubushobozi bw’amatwi ye bwo kumva bugabanuka ndetse hakaba havampo n’indwara zishobora kwangiza ingoma y’ugutwi (tympans) ku buryo byakurizamo no gupfa amatwi burundu.

Ikindi kandi ni uko umwana wagiye ahura n’umwotsi w’itabi mu buzima bwe agira ibibazo mu mikurire ye, mu myanya y’ubuhumekero, aho ashobora no kurwara indwara ya asima ndetse n’ubumuga bwa hato na hato.

Kubabara mu gatuza ntibisobanura ko urwaye umutima gusa

2012-02-19T01:55:00.001-08:00

Abantu benshi iyo baribwa mu gatuza cyangwa bumva mu gatuza habo hatameze neza bakeka ko baba bafite ikibazo ku mutima, cyakora nk’uko tubisanga ku rubuga rwa internet medlineplus, kuribwa mu gatuza biva ku bintu byinshi. Ngo buri gice cy’umubiri kiri mu gatuza iyo cyafashwe n’indwara runaka gishobora gutuma uribwa mu gatuza, urugero ibihaha, umuhogo, ndetse n’umutima ubwawo; ndetse ushobora kumva mu gatuza hatameze neza kubera ko wenda wagize ikirungurira, kandi ngo ushobora kubabara mu gatuza ufite ikibazo mu nda, mu mugongo cyangwa mu ijosi.

Izindi mpamu zitera kubabara mu gatuza harimo:

-Indwara z’umutima: ahangaha wumva ubabara mu gatuza ariko noneho cyane cyane mu gice cy ibumoso, mu josi, ndetse no mu kaboko kw’ibumoso
-Indwara zifata imyanya y’ubuhumekero harimo n’izifata ibihaha, asima ndetse n’umusonga na byo bishobora gutuma wumva mu gatuza hatameze neza.
-Indwara zo mu muhogo zituma utabasha kumira ibyo wariye, ndetse n’ikirungurira na zo zituma akenshi wumva mu gatuza hatameze neza.
Urubuga medlineplus, rukaba ruvuga ko n’izindi mpamvu zishobora gutera ubu bubabare, ngo ni byiza ko mbere yo kugira umwanzuro ufata w’icyo urwaye, wagana muganga aka gusuzuma, kugira ngo amenye icyo urwaye .

Kungenda n’amaguru wihuta ni umwitozo uruhura ugafasha n’ubwonko kwibuka!

2012-02-19T01:55:00.000-08:00

Guhora ukora umwitozo wa buri gihe kandi udahinduka ntibifasha gusa kwibuka ahubwo n’ubusaza na bwo bubigenderamo nk’uko ubushakashatsi bwakorewe muri Amerika bubitangaza. Aba bahanga bagaragaje ko gukora umwitozo udahinduka nko kugenda n’amaguru wihuta, byagura n’ubushobozi bw’ubwonko bikanahereza abasaza ingufu zo kuba bakwibuka.

Nk’uko tubitangarizwa n’urubuga www.passeportsante.net, iyo umaze igihe kingana n’amezi atandatu udahwema gukora uyu mwitozo, ngo ibi biba bihagije kugira ngo ube wiyubakiye imbaraga z’ubwonko bwawe mu kwibuka. Iyo ukora uyu mwitozo ugomba kwibuka ko ugomba guherekezwa n’ibitunga umubiri kugira ngo ugire akamaro.

Ubu buvumbuzi rero bwakomotse ku kuba barafashe agatsiko k’abantu bagakora umwitozo wo kugendesha amaguru, maze abandi bakora imyitozo isanzwe maze bose babakoreraho inyigo ihambaye, nyuma basanga ba bandi bakora ingendo batameze neza gusa ahubwo bibuka vuba kurusha abakora imyitozo yo guterura n’ibindi.

Abantu bakuze, cyane cyane ari na bo bakunze guhura na kiriya kibazo, baragibwa inama yo gukora uyu mwitozo wo kwiruka kuko ubafasha kugumana itoto.

Cyakora, nta wakwibagirwa ko hari n’utundi tuntu dufasha ubwonko harimo kunywa icyayi, kuko burya ngo gituma umuntu na none yibuka ku buryo bworoshye mu gihe ukibona buri musi nk’uko bitangazwa n’abashakashatsi bo mu Buyapani muri Kaminuza y’i Tohoku.

Gusimbuza amata ibere ku mwana uri munsi y'umwaka umwe w'amavuko si byiza!

2012-02-19T01:54:00.000-08:00

Ubusanzwe ukunze gusanga abantu benshi bihutira guha abana babo amata nta gihe bamaze bababyaye ndetse rimwe na rimwe ngo bakaba ari yo babihera gusa, ibere bakaribakuraho burundu, ariko ibi ngo si byiza kuri bene abo bana nk’uko tubikesha urubuga www.publmed.org.

Umwana utabashije konka bihagije akabisimburizwa amata ashobora guhura n'igaruka zikurikira:

Abasirikare badahagije mu mubiri bigatuma arwaragurika bidasanzwe
Kubura ubwenge mu byo akora cyangwa mu ishuri
Kurwara indwara ya diyabete
Kugira umubyibuho ukabijje
Uruhurirane rw'indwara (sudden death infant syndrome)

Nkuko uru rubuga rukomeza rubitangaza, abana baba batunzwe n’amata bari munsi y'umwaka umwe bavutse bakunze kugira ikibazo cyo kubura imyunyu ngugu (iron) kubera ko iba idahagije mu mata kandi ari ingezi kugira amaraso abashe kwirema. Abana bagera kuri 40% ngo bakaba bahura n'icyo kibazo.

Kuba amata akungahaye ku myunyu ngugu ya calcium n’intungamubiri zo mu bwoko bwa casein birifatanya mu gutuma hatabaho ko umubiri wakwakira imyunyu ngugu ya iron yo mu biribwa bisanzwe, umwana washimburijwe ibere amata yakira intungamubiri n’imyunyu ngugu birenze ubushobozi bw’umubiri we ndetse no kubisohora bikamugora kuko impyiko ze ziba zitarabasha gukoara neza bikaba byatuma ahita anazirwara kuko ziba zisabwa gukora ibizirengeje ubushobnozi.

Kubera ko inkari aba agomba gusohora ziba zirimo ibyo umuntu yakwita amasukari menshi ava mu mata kandi aba ari nta mazi yanyoye ngo zibashe gusohoka neza, umubiri we uba ugomba gushakisha aho uyakura bigatuma umwana ahura n’ikibazo cy’umwuma.

Kutonsa byakuviramo kurwara kanseri ifata ibere

2012-02-19T01:53:00.001-08:00

Ku bari cyangwa abategarugori, amabere ni kimwe mu bice by’ingenzi bigize umubiri wabo, kandi ni n’ubuzima bw’abana bavuka ku babyeyi bombi. Niyo mpamvu rero ibyo bice bikwiye kubungabungwa byumwihariko. Hari rero zimwe munama zafasha kurinda amabere indwara. 1. Kubona umwana mbere y’imyaka 30

Nibyiza ko abakobwa babanza gushaka uwo bazarushinga hakiri kare, ariko nanone umubonye ntatinde kubaka urugo. Gutwita ku mukobwa bituma uturemangingo tugize amabere dukura neza, bityo bikaturinda kwangirika. Gutwita kandi bigabanya igihe kinini cyo gufata za pilule kuko abakobwa bafata ibinini birinda gusama imyaka itanu mbere yo kubona umwana, baba bongera amahirwe menshi yo kurwara kansiri y’amabere.

2. Kwirinda ibinyamavuta

Mu busahakashatsi bwakozwe n’ishuri ryo mu bufaransa rya Gustave-Roussy, bwerekanye ko abagore benshi bafite ibinure byinshi mumibiri yabo baba bafite amahirwe menshi yo kurwara kanseri y’amabere. Ibinyamavuta biba mu biribwa bitunganyizrizwa mu nganda nibyo bibi cyane ku buzima, bikaba bikwiye kwirindwa cyane.

3. Kugabanya ibiro

Iyo abagore bageze mu zabukuru, bamaze guhagarika imbyaro, bakunda kugira ibiro byinshi, kandi bituma ibice bigize umubiri wabo byongera umubyimba, bityo hakabaho imikorere mibi y’uturemangingo, aribyo biganisha ku kurwara kanseri y’amabere.

4. Konsa

Konsa biri mu bintu byinshi bituma abagore badafatwa na kanseri y’amabere, nkuko abahanga mu bijyanye n’ubuvuzi bwa kanseri babyemeza. Cyokora ngo biba byiza cyane kurushaho, iyo umugore yonkeje nibura amezi 6. Konsa bituma imisemburo myibarukiro iba ihagaze, bityo uturemangingo twatera kanseri ntidukorwe.

5. Kwirinda ibiyobya bwenge

Mu bushakashatsi bwakozwe n’ishuri rikuru ryiga ku bijyanye n’indwara ya kanseri ryo muri Amerika, ku bagore 184000, basanze abanywa nibura ibirahure 2 by’inzoga ku munsi, bongera amahirwe yo kurwara kanseri ho 30%. Ubushakashatsi bwakozwe ku nzoga iao arizo zose, zinywebwa.

6. Gukora siporo

Kuri raporo yashizwe hanze n’ubushakashatsi bw’abafaransa, ngo gukora urugendo nibura rw’amaguru iminota 30 buri munsi, gukora imirimo yo murugo, kuzamuka ingazi, cyangwa gukora indi mirimo y’igorora ngingo, nibura rimwe mu cyumweru, bigabanya ingaruka ho 40%. Ibi kandi bireba buri wese, yewe kabone naho yaba atabyibushye.

Ububabare bw’amatwi bushobora guterwa n’amashinya

2012-02-19T01:53:00.000-08:00

Inkomoko y’ububabare bwo mu matwi ntabwo ishingira gusa ku matwi ubwayo, ahubwo bishobora guterwa n’ikibazo giturutse ku bindi bice biyegereye. Ibi kubivuga ni ukugira ngo abantu batitiranya ububabare bwose umuntu agize mu matwi ye.

Nk’ uko tubikesha urubuga www.medicalforum.ch kuba amashinya aribwa bishobora kuba intandaro yo gufatwa k’utundi duce harimo imiyoboro yo mu muhogo (pharynx, larynx), bikaba biterwa ahanini n’aho amashinya ahurira kuko hegereye cyane umuyoboro w’ugutwi.

Ubwo bubabare butewe n’amashinya rero ngo buza buherekejwe n’umunaniro udasobanutse (stress), kandi ngo ibi bikaba biva ahanini ku gusya amenyo nijoro bituma ya mashinya akora cyane.

Iyo kandi n’amenyo arwaye atuma n’amatwi ababara kuko burya kimwe ni umuturanyi w’ikindi. Si uku kubabara gusa kuko n’indwara y’amashanya na yo ni ho ituruka.

Hari imitsi y’ingoma y’ugutwi iba ishobora gutera umutwe kubabara bitewe na none n’ubu bubabare bw’urwungano rw’amashinya.
Bitewe n’ubu bubabare rero buterwa n’ishinya bishobora kuba byatera indwara isaba kubaga ugutwi. Ni na yo mpamvu mbere yo kugira ikindi dukora twakagombye kugira isuku y’amenyo yacu tugerageza kuyoza uko bikwiye.

Iyo tuvuze ububabare bw’amatwi ntituba dukwiye kwirengagiza ko n’ibice byo hanze na byo bibabara ariko byo ntibiterwa na ya mashiya uretse ku muyoboro witwa conduit auditif gusa. Ahubwo ngo ibi biterwa n’indwara yitwa otite externe, mu rurimi rw’igifaransa.
Ushobora rero kuba wakwivuza hakiri kare cyane, nk’iyo bwa bubabare buguteye umuriro cyangwa kutumva neza.

Niba ushaka ko amatwi yawe agira ubusugire ni ngombwa kuyagirira isuku wirinda ko hagira ibyinjirira imyanya y’ugutwi nk’amazi mu gihe urimo koga, ndetse ukongeraho gusukura mu kanwa buri gihe mu buryo bwo kwirinda izi ngorane.

Mu gihe cy'impeshyi ari bwo ubushake bw'imibonano mpuzabitsina bwiyongera!

2012-02-19T01:52:00.000-08:00

Mu gihe cy’impeshyi haba harimo izuba ku buryo ababa bari kuri plage cyangwa ahandi hantu hatuje baba bafite ubushake bwinshi bwo gukora imibonano mpuzabitsina ndetse ibintu bikaba byabacikiyeho! Umuntu akaba ashobora kwibaza impamvu impeshyi/icyi ari cyo gihe kizamura ubushyuhe budasanzwe bwo gukora imibonano mpuzabitsina.

Urubuga www.doctissimo.fr rudutangariza ko ikiruhuko cyose cyangwa igihe kitagira akazi (temps libre) bituma benshi batekereza ku buryohe bw’urukundo.

Dr Malarewicz, we avuga ko urukundo n’imibonano mpuzabitsina byuririra kuri kiriya kiruhuko.

Nk’ ibisanzwe rero, kuruhuka mu gihe cy’izuba ni byo usanga biryoshye kurusha, kandi ubuzima bw’umuntu ntibuhwema kumuganisha kuri iyi ngingo cyane iyo ari muzima.

Ariko kandi umunaniro no guhangayikira akazi ni imwe mu mbogamizi zishobora gutuma utagira icyo witaho.

Gusa byakabaye byiza kubona umwanya wo kuruhuka utitaye ko hakiri byinshi kuko mu karuhuko umuntu abona ni na ho aba ashobora kugira umunezero kabone niyo waba udahambaye.

Nk’ uko twabibonye, umunaniro n’imihangayiko ni abanzi b’ubushake bityo ibiruhuko by’igihe cy’izuba bizamura ibyiyumvo by’umubiri, bityo umuntu akaba yatekereza gukora imibonano mpuzabitsina.

Ikindi kandi nko ku munsi ibiti biba byaremye agacucu keza cyane ku buryo umuntu aba yumva yanakuramo imwe mu myambaro yambaye bityo iyo muri kumwe mukundana bigenda buhoro buhoro biza kugeza igihe mwumva ubwo bushake bwiyongereye.

Igihe cya nijoro ho ngo haba hari amahumbezi ku buryo usanga no kuba wahagarara hanze nijoro ari nta cyo bitwaye.

Niba ufite ikibazo cyo kwitinya, cyangwa se utigirira icyizere, byaba byiza uramutse ufatiye aha maze ukugerageza kuzamura ibyiyumvo byawe, ariko burya kugira ngo icyi ribigufashemo, gerageza kugira amahitamo kandi umenye kwifatira ibyemezo by’uwo ushobora kuba waruhukana na we.

ibimenyetso 3 bishobora kukwereka ko umukobwa w’inshuti yawe aguca inyuma

2012-02-19T01:51:00.000-08:00

Burya ngo birashoboka cyane ko ushobora kuba ukundana n’umukobwa ndetse cyane, bigashyuha urukundo rwanyu rukaka n’abantu benshi kakabibona ndetse nawe muhungu ubwawe ukabyibonera ukanabyiyumvamo ko mukundana, ariko igihe kikagera, umukobwa akagira atya akagukundiraho undi ari byo bikunze kwitwa guca inyuma. Iki kintu rero ngo iyo kibaye ku musore/umuhungu arababara cyane.

Urubuga http://catchmycheatinglover.com ruvuga ko ngo burya atari byiza ko utagomba kumva ko byarangiye uwo mukundana adashobora kuba yaguca inyuma, aha ngo ni byiza kuba maso kandi ukagenzura igihe ubona hari icyahindutse bitewe n’uko mwari musanzwe mubanye. Mu gihe rero ngo ukeka cyangwa ubona ko mu rukundo rwanyu bitagenda neza, genzura ibibimenyetso 3 uzamenyeraho ko yaba aguca inyuma:

1. Guhindura imyambarire n’imyirimbishirize

Ubusanzwe ngo abakobwa mu mibereho yabo bagira umuco wo gukunda gusa neza no kwambara bakaberwa kandi burya ngo iyo babikoze hari uwo baba bashaka gushimisha. Rero ngo igihe uzabona umukobwa w’inshuti yawe yadukanye imyambarire atari asanganywe kandi akayihindura atakubwiye (atakugishije inama) ngo umenye ko urukundo rwawe na we rwajemo undi muntu, bityo akaba yahinduye imyambarire kugira ngo ashimishe uwo wundi kuko ngo hari n’igihe uzasanga rwose ibyo yambaye cyangwa se ubwoko bw’umubavu yiteye ndetse n’indi mitako agiye gukoresha mu kwirimbisha Atari byo wowe usanzwe ukunda. Icyo gihe rero byitondemo ushishoze kuko ngo wasanga aba arimo kubikora agira ngo ashimishe undi utari wowe.

2. Kutakwitaho nka mbere

Ubundi ngo ikizakubwira ko hari ikintu kitagenda neza hagati yawe n’umukobwa w’inshuti yawe ni uko uzabona atakikwitaho cyangwa ngo akwiyumvemo nka mbere. Aha ngo uzabona inshuro yaguhamagaraga kuri telephone zagabanutse, agabanye gushaka kubonana nawe amaso ku maso ndetse kukubitsa amabanga ye no kugushyira muri gahunda ze za buri munsi bigabanuke kuko afite uwo abibasangiza. Aha rero, ngo ubonye bimeze bitya cunga neza kuko ashobora kuba afite undi abagabanya urukundo bigatuma urwo yaguhaga rugabanuka ndetse ngo uzasanga byinshi byarahindutse nko kubona atangiye kujya abihirwa muri kumwe, kutishimira gusangira amwe mu mabanga y’urukundo, kugabanya ibintu mwakoranaga mwembi mukishima, kugabanya umwanya yaguhaga, kutakwereka inshuti ze no kudashaka ko umenya amakuru y’umuryango we nka mbere n’ibindi. Igihe ibi bitangiye kuba, umenye ko hari ubyihishe inyuma ari kubasangiza urukundo.

3. Kuguhisha amabanga amwe n’amwe yo kuri telefoni

Niba umukobwa w’inshuti yawe yatangiye kujya ahamagarwa n’abantu kenshi kandi ntakwereke abo ari bo ndetse agashaka kwanga no kubitaba igihe muri kumwe, kwita abantu amazina adasobanutse, kwakira ubutumwa bugufi akanga ko ubureba, kwanga kukwereka nimero imaze kumuhamagara , gusiba nimero imaze kumuhamagara ndetse no gusiba ubutumwa bugufi (messages) akimara kubusoma no gusiba izo umwandikira muri telephone ye n’ibindi burya ngo ni bimwe mu byakagombye kukwereka aho urukundo rwawe na we rugeze ndetse ni na cyo gihe cyo kumenya ko yatangiye kuguca inyuma. Mu gihe rero ubibonye gutya, hita umenya ko ashobora kuba yatangiye kuguca inyuma. Ikindi kandi, ibi biba biganisha ku ndunduro y’urukundo mwari mufitanye.
Birababaza rero ngo kumenya ko umukunzi wawe aguca inyuma ariko ngo bikababaza kurushaho iyo wisanze baguca inyuma hashize igihe, mbese amazi yararenze inkombe ntacyo ukiramiye. Ngo ni byiza rero ko mudakunda buhumyi ahubwo muba mugomba umunsi ku wudi kugenzura ko nta cyahindutse ku rukundo, bityo wabona kimwe muri biriya bimenyetso bikwereka ko umukobwa yaba aguca inyuma ukaba wagira icyo ukora ukaramira urukundo rwanyu hakiri mu maguru mashya.

Kurya inyama si bibi ariko kuzirya cyane (gukabya) bishobora gutera ingorane

2012-02-19T01:50:00.001-08:00

Ubusanzwe inyama zibamo Proteines zituma umubiri wiyubaka umuntu agakura neza igihe cyose zariwe hatabayeho gukabya ariko hakagira n’izindi ngaruka zizanira umubiri zitari nziza, noneho igihe zariwe cyane ndetse n’igihe kitari gito, nkuko tubikesaha urubuga rwa internet www.vernoncoleman.com, inyama zishobora kuzanira uzirya ibyago bikurira

Hari indwara umuntu yavuga ko usanga zikunze kwibasira abantu barya inyama. Murizo hari kanseri y’ibere (breast cancer), iy’amara (colon cancer), n’iy’amabya (prostatic cancer), umuvuduko ukabije w’amaraso (high blood pressure), diabete, appendicite, stroke na varicose ndetse no kurwara ingingo. Izi ndwara zikaba zibasira abantu bakunze inyama ugereranije n’abatazirya.

Kugabanya kurya inyama no kuzivaho nibwo buryo bwonyine buhari bwo kuba umuntu yagabanya ibinure mu mubiri

Igihe umuntu ariye inyama z’itungo ryavuwe indwara hifashishijwe umuti uyu n’uyu biba bigomba kumugiraho ingaruka byanze bikunze igihe wa muti umugeze mu mubiri. Nko muri Amerika, staphylococcal infections ubu ntabwo zikivurwa n’umuti wari usanzwe kubera ko abantu bazandura barariye inyama z’amatungo yahawe umuti wazo, ubushakashatsi bwari bwakozwe mu 1988 bwerekanye ko kunangira (resistance) ku muti usanzwe byari byavuye kuri 13% bikagera ku 91%.

Mu nyama ikintu kibi ku buzima kiganjemo ni ibinure. Ibi ntibishatse kuvuga ko kureka kurya inyama ari cyo gusa cyatuma uhita ugira ubuzima bwiza, ahubwo ngo umuntu akwiriye kwirinda kuzirya cyane.

Ubushakashatsi bwa none bwerekana inyama zonyine atari zo zibamo proteines kuko ishobora kuboneka no mu bindi biribwa.

Ibyiza byo kurya ubunyobwa

2012-02-19T01:50:00.000-08:00

Ku isi yose, ubunyobwa buzwi nk’ikiribwa cyiza kandi gikize ku ntungamubiri.

Abahanga mu bimera bavuga ko ubunyobwa ari igihingwa kiba mu muryango w’ibinyamisogwe. Ubunyobwa bukomoka muri Amerika y’Amajyepfo, muri Mexico no muri Amerika yo hagati, ariko kugeza ubu buhingwa mu duce dutandukanye tw’isi dutuye.

Dore imwe mu mimaro yabyo:

-Ubunyobwa n’ibindi bintu bituruka ku bunyobwa bifite akamaro kenshi mu kuvura indwara y’amaraso mu mubiri (hemophilia) n’izindi zivukanwa zijyanye m’imikorere y’amaraso. Kurya ubunyobwa bifitiye akamaro abantu bafite ibibazo bwo kuva mu mazuru (imyuna) ndetse n’abagore cg abakobwa bakunda kugira ibibazo byo kuva cyane mu mihango.

-Hari ibintu bitanu (5) by’ingenzi bikenerwa mu kurinda no kubaka umubiri ari byo bita: ibiterambaraga(food energy), protein, phosphorous, thiamin and niacin. Ibi byose uko ari 5 biboneka ku bwinshi muri iki kiribwa.

-Ubunyobwa bukize kuri Vitamine, usanga hari ubwoko bwa vitamine bugera kuri cumi na butatu (13), burimo ubwoko bwa vitaminne A, B, C na E. Ikindi ni uko ubunyobwa bukize ku byo bita imyunyu ngugu (minerals) nka: calcium, iron, zinc, boron n’iyindi myinshi y’ingezi igera kuri 26 ifasha mu mikorere n’imimerere myiza y’ubwonko kandi igafasha amagufwa gukomera.

-Abahanga mu by’imirire bavuga ko ubunyobwa buvanze n’ibindi biryo by’intungamubiri, bitetswe gihanga, ari byiza ku bana bakiri bato, abagore n’abayeyi bonsa. Bifasha umubiri kwirinda no kutandura indwara nk’igituntu n’indwara y’umwijima (hepatite).

-Ubunyobwa bukize ku byo bita anti-oxidant & resveratrol: bifasha kurinda indwara z’umutima, kutandura kanseri, ndetse no kurwanya ubukanyarare bw’umubiri wawe.

Mudasobwa ngo yaba igabanya ubushobozi bw’ubwonko mu gufata mu mutwe

2012-02-19T01:48:00.001-08:00

Nk’uko byashizwe ahagaragara n’abashakashatsi b’Abanyamerika, ngo n’ubwo mudasobwa ari uburyo bwiza bufasha mu kazi ka buri munsi, ngo ntago ari nziza ku bwonko kuko ngo yaba igabanya ubushobozi ubwonko buba bufite mu gufata ibintu mu mutwe aho bavuga ko muri iki gihe internet igenda ituma abantu batagishobora kuba bafata mu mutwe kuko baba bizeye ko bashobora kubonaho ibyo bashaka. Ibi rero bikaba bituma abantu bagira ubunebwe mu bwenjye.

Nk’uko destinationsante.com ibitangaza, ngo abantu benshi bashobora kuba babona iri koranabuhanga. Ngo ubungubu ntibikiri ngombwa ko bagira ibyo bashakisha cyangwa bafata mu mitwe yabo kuko ngo babifata nk’isoko nyayo y’ibyo bakeneye ndetse n’uburyo bwiza bwo kubibika.

Abashakashatsi bo muri Kaminuza ya Colombia i New York bashyize ahagaragara ubushakashatsi, aho berekanye ko mu nyigo bakoze babaza abanyeshuri ibibazo, basanze ko abo banyeshuri bagize ubushake bwinshi bwo kujya gushakira ibisubizo kuri murandasi (cyangwa se internet), aho kwifashisha ibitabo n’ubundi buryo bwanditse. Aba bashakashatsi rero bakaba barasanze ngo iri koreshwa ry’ikoranabuhanga ku barifite rigira ingaruka mbi ku mitwe yabo kuko ngo nubwo waba uzi neza ko ibyo wabonye ubutaha nusubiraho utazabibona ngo ntibikubuza kugira ubunebwe bwo kubifata mu mutwe.

Kunywa inzoga nyinshi bitera kugira amabere manini ku bagabo

2012-02-19T01:48:00.000-08:00

Kugira amabere manini ku bahungu, ibyo bita gynecomastia mu cyongereza ntibiba bisanzwe ku bahungu ndetse n’igitsina gabo muri rusange ariko hari igihe usanga byabashyikiye.

Nk’uko tubikesha Igitabo The Pathologic Basis of Disease, Robins, mu icapisho rya 5, kubyimba cyangwa se gukura kw’amabere ku bahungu biterwa no kwiyongera kw’imisemburo ya estrogene ituma amabere akura ndetse no kugabanuka kw’imisemburo (hormone) yo mu bwoko bwa androgene nka testosterone ikorwa n’amabya. Iyo yo ikaba ituma amabere adakura cyane ku bahungu.

Nk’uko bikomeza bitangazwa kandi gukura cyane kw’amabere y’abahungu bishobora kuba mu bana bacyivuka ariko bikihagarika ndetse ngo 50% by’abahungu bageze mu gihe cy’ubugimbi (puberte), ngo amabere yabo arakura ariko ibi biba ari ibisanzwe, akenshi ngo biba bitewe n’imihandagurikire y’imisemburo ya estrogene yiyongera ugereranije na androgen, ariko bigahita birangira nta miti cyangwa kujya kwivuza bibayeho. Kugira amabere manini ku bagabo biba ku bagabo bakuze n’abageze mu zabukuru bitewe n’igabanuka ry’imisemburo ya androgene igabanuka uko umugabo agenmda akura.

Igihe umuhungu agize amabere manini mu gihe tutavuze ngo buba ari uburwayi. Nk’uko bikomeza bitangazwa muri iki gitabo kandi ngo bene ibyo bishobora kwerekana indwara y’umwijima (cirrhose), aho inyama y’umwijima ihinduka nk’ibuye bigaturuka ku kunywa inzoga nyinshi. Ibindi bitera kugira amabere manini ku bagabo harimo imiti imwe n’imwe, kunywa inzoga nyinshi ndetse n’urumogi .

Gusa ngo kugira amabere manini ku bagabo ntaho bihurira na kanseri y’ibere ku bagabo kandi biravurwa bigakira .

Indwara y’Iseru

2012-02-19T01:47:00.000-08:00

Amakuru dukesha ikinyamakuru kiri ku murongo wa Internet cyitwa, destinationsante.com aremeza ko indwara y’iseru, ikigaragara ku isi mu bihugu bitandukanye.

Dore bimwe mu byo abantu bajya bibeshya ku bijyanye n’iyi ndwara y’iseru:

Iseru ntikibaho mu bihugu byinshi ku isi

Ni ukwibeshya. Ku isi yose indwara y’iseru ifata abana bagera kuri miliyoni 30 buri mwaka. Iyi ndwara ni yo nkomoko y’imfu zigera ku 875 000. Mu gihugu cy’u Bufaransa, iki cyorezo cyatangiye kuhaboneka mu mwaka wa 2008. Kikaba kigenda cyiyongera nk’uko byagaragaye muri raporo ya Minisiteri y’Ubuzima mu Bufaransa yakozwe umwaka ushize wa 2010. Igitera kwiyongera kw’iyo ndwara hakaba harimo nko kuba nta nkingo zihagije ku bana bato, ndetse no kuba abantu bavutse mu myaka y’1980, batarigeze bikingiza.

Iseru si indwara ikanganye

Na cyo ni ikinyoma! Iyi ndwara itera ibibazo bitandukanye ndetse bishobora kuviramo umuntu urupfu. Urugero nko ku ya 19 Mata uyu mwaka, mu Bufaransa habonetse abantu 13 bafite ibibazo mu bwonko bivugwa ko byaturutse ku ndwara y’iseru.

Abandi bibaza ko iseru ari indwara y’abana

Bitandukanye n’imyumvire y’ababivuga gutyo, ngo iseru ni indwara y’abana. Mu bantu bagaragayeho iriya ndwara mu mwaka wa 2010, abangana na 50% bari barengeje imyaka 15. Ikindi, mu bagiye mu bitaro, abangana na 45% bari bafite ikigero kiri hagati y’imyaka 20-29.

Abandi ngo iseru yandura bigoranye

Bitandukanye n’ukuri. Iseru ni imwe mu ndwara ziterwa na Virus zandura cyane. Urugero umurwayi umwe yanduza hagati y’abantu 15 na 20 mu gihe umurwayi wa giripe (grippe) yanduza hagati y’umuntu 1 na 3. Ubwandu bw’indwara ziterwa na virus bukunda kunyura mu mwuka.

Nta rukingo ruhamye ruvura iseru

Iri ngo ni irindi kosa. Urukingo rubaho kandi byoroshye kurubona, ikindi rurinda uwarufashe indwara y’iseru n’amashamba. Nta bundi buryo bubaho bwo kwivuza iseru uretse urukingo.

Urukingo rw’iseru ni rubi

Ubusanzwe nyuma yo gukingirwa iseru, umuntu ashobora kugira uburibwe buza hagati y’iminsi 5 na 12. Umuntu agira n’umuriro cyangwa agafuruta utuntu ku mubiri ariko bidakanganye. Ntabwo ingaruka z’urukingo zikunze kuba mbi cyane.

Undi ati "narakingiwe, inshuro imwe birahagije"

Rwose na byo ni ukwibeshya! Ntabwo abantu benshi nyuma y’urukingo rumwe umubiri wabo ukora ubwirinzi buhagije (anticorps). Nyamara inkingo 2 zirahagije zikakurinda ku buryo bwiza bukurinda guhura n’iseru.

Usanga abandi bumva bakingiza abana gusa

Mwabyumvise ko mu mwaka washize wa 2010 mu batahuweho iseru 50% bari barengeje imyaka 15, bityo urukingo rugomba guhabwa abantu inshuro 2 by’umwihariko ku bantu bavutse kuva mu 1980.

Tubikesha destinationsante.com

Guterura injangwe ku mugore utwite bishobora gutuma abyara umwana utabona

2012-02-19T01:46:00.001-08:00

Ubusembwa umwana avukana ni ibintu biba bidasanzwe mu mitere y’umubiri urebeye ku isura cyangwa ishusho umwana aba afite akivuka. Guterura injangwe ku mugore utwite kikaba ari kimwe mu bishobora gukurura ubwo busembwa umwana yavukana.

Nk’uko tubisanga mu gitabo The Pathologic basis of disease, cyanditswe na Robins, mu icapisho rya 5 ndetse no ku rubuga rwa internet rwa wikepedia, bumwe muri ubwo busembwa bushobora kugaragara umwana akivuka cyangwa ntibube bwagaragara. Urugero nk’ubusembwa buri ku mutima. Hagati ya 40% na 60% z’impamvu zitera ubusembwa abana bavukana ntizizwi.

Ngo izindi mpamvu zitera ubusembwa abana bavukana zirimo:

1.Uruhererekane mu miryango: izi ni mpamvu zituruka mu ihinduka rya bimwe mu bigize uturemangingo bita chromosomes, utu rero tuba dufite amakuru yose yerekeye imikorere ndetse n’imitere y’umubiri, iyo utu duce twangiritse, bimwe mu bice by’umubiri bikorwa nabi ndetse bikazagaragara nk’ubusembwa. Urugero nko kuvukana amaboko mato cyangwa maremare cyane.

2.Udukoko duto cyane dushobora gufata umubyeyi utwite na two dutera ubusembwa abana bavukana ,aha twavuga nk’ababyeyi batwite banduye agakoko gatera SIDA, mburugu, n’utundi duko twavuga nk’agakoko ka rubella gatera ubusembwa iyo umubyeyi utwite akanduye, kagatuma umwana agira ubusembwa ku mutima, kuvukana ishaza, ndetse akavuka adashobora kumva. Cyakora ahangaha, ababyeyi batwite bageze mu gihembwe cya mbere mu byumweru 16 ni bo baba bafite ibyago byo kubyara umwana afite ubu busembwa igihe bafashwe n’agakoko ka rubella.

3.Toxoplasma gondi: iyi ni microbe itera indwara ya toxoplasmose. Iyo umubyeyi utwite yanduye iyi mikorobe mu gihembwe cya mbere, umwana we aba afite ibyago byo kuzavuka afite ubusembwa nko guhuma atabasha kubona, umubyeyi yandura iyi mikorobe iyo ateruye injangwe/ipusi, iyo ariye inyama z’ingurube cyangwa iz’intama zidatetse neza. Si byiza rero ko ababyeyi batwite baterura injangwe mu gihe batwite kuko ishobora kubanduza ikanduza n’abo batwite.

4.Ababyeyi batwite barwaye indwara nka diabete na bo abana babo bavuka bafite ubusembwa nko kuvuka bafite amaguru mato cyangwa afatanye ndetse n’inzoga si nziza ku mubyeyi utwite kuko zitera umwana ubusembwa, kuvukana ubwonko buto n’umutwe muto.

5.Imiti imwe n’imwe nka thalidomide , phenytoin n’indi itandukanye, na yo ngo itera ubusembwa. Ngo muri rusange si byiza ko umubyeyi utwite afata imiti atandikiwe na muganga.

6.Kubura vitamin B12 na byo bitera ubusembwa cyane ku bwonko bw’umwana ndetse akaba yavuka nta bwonko afite cyangwa buri hanze. Aha rero ni ngombwa ko ababyeyi batwite bajya kwa muganga kugira ngo bahabwe iyi vitamine ndetse no gusuzuma ko umwana batwite nta kibazo afite.

Inama icumi 10 mu Kwitegura Ubukwe

2012-02-19T01:45:00.000-08:00

Gutegura gahunda y’ubukwe bwawe ni ikintu cyiza cyane.gusa hari igihe ushobora gutungurwa n’ibintu bitagenze neza mu bukwe bwawe bikab byagutera kugira agahinda.kugirango uyu munsi mukuru ubaho inshuro imwe mu buzima bw’umuntu uzabashe kugenda neza dore ibintu 10 ugomba kwirinda gukora mu gihe cy’imyiteguro:

1. Kwirinda kwihererana ibintu

Buri wese agomba kumenya ko uwo bagiye gushakana ari ubuzima bwe bwose,akibagirwa ko mbere yabagaho wenyine ariko ubu ukaba ugiye kubana n’undi mutu .Bityo byaba byiza wirinze kugira icyo uhisha uwo mugiye gushakana, cyane ko agize icyo amenya utarakimubwiye yagutera ikizere bityo bikaba byatuma muzabana nabi cyangwa se bikabaviramo gutandukana.

2. Kwiyibagirwa cyangwa se guharirana

Kumenya guharirana ni byiza cyane kuko uwo mugiye kurushingana ashobora kuba yakugira inama irusha iyo wari wigirirye. Aho rero ni ahawe ho kumutega amatwi nawe ukamuha akanya ko kuba yagira icyo agufasha, aha wibuke ko umtwe umwe wifasha gusara.

3. Guhitamo neza garçons na demoiselles d’honneur!

Kumenya guhitamo abazabadonela (garçons et demoiselles d’honneur!) ni ikintu gikomeye mum mipangire yy’ubukwe bwanyu. Abantu babaherekeza mu bukwe baba ari abantu babafitiye agaciro mu buzima banyu nk’imiryango, inshuti n’abavandimwe. Ku by’ibyo rero ni byiza guhitamo abazabadonela muhereye ku mico n’ibyifatire yabo imbere y’abantu kugirango ejo batazavaho babakoza isoni mukicuza impamvu ari bo mwahisemo.

4. Guteganya ubukwe mu gihe kibi

Mu gihe mutegura ubukwe mugomba kwita ku itariki mubuteganyanyaho niba muzabasha kugura ibimenyetso bizajya bibibutsa ubukwe bwanyu birambye birimo nk’amafoto, video impeta nziza izaramba kuko ari ikimenyetso cy’uruundo muba muhanye kizahoraho mu buzima bwanyu. Niyo mpamvu rero mutagomba guteganya ubukwe nta mafaranga ahagije mufite.

5. Kudasobanura neza gahunda yanyu

Mu gihe mutegura ubukwe bwanyu ni byiza gusobanura neza gahunda mufite ndetse mukagaragaza n’abantu mwifuza ko bazagira uruhare muri izo gahunda kugirango zibashe kugenda neza nk’uko mwabiteguye. Mukagaragaza abazakora servisi, abadonela abageni n’ibindi.

6. Kugenzura ku munsi w’ubukwe utararangiza kwitegura

Umunsi w’ubukwe ni umunsi ukomeye cyane usaba kwitegurwa bihagije mbere y’uko uba.Gusa hari nk’abageni bamwe na bamwe cyangwa ababaherekeza muri ubwo bukwe usanga bajya nko kwisokoresha ku munsi ubukwe buri bubereho. Ibi bituma umuntu adatuza muri we kuko aba ahangayikishijwe n’ibyo atari yakora kandi igihe cyamurangiranye. Ni yo mpamvu rero ari byiza ko ubukwe ubwitegura mbere ugakora ibyo wateganyije byose mbere y’uko ubukwe bugera kugirango ubugemo utuje.

7. Kwibagirwa gukora gahunda y’uko ibikorwa bizagenda bikurikirana

Bitewe na gahunda zitandukanye muba mufite , mugomba gukora gahunda y’uko ibikorwa bizagenda bikurikirana hakiri kare, mukagira abantu mushinga imirimo muteganya ko izakorwa mu rwego rwo kwirinda ko hazabaho ibibazo bitunguranye mu gihe cy’ibirori nyirizina.

8. Kwibagirwa gushaka umuntu wizewe mushinga gahunga z’ubukwe bwanyu

Kugirango ubukwe bwanyu bhubashe kugenda nk’uko mwabiteganyije,ni byiza gushaka umuntu wizewe mukamushing a gukurikirana gahunga z’osez’umunsi w’ubukwe bwanyu.azabarera aho mutari ,ababere amaso ndetse akemure n’ikibazo igihe cyose hari ikibonetse.

9. Kwibagirwa intego nyamukuru y’uwo munsi

Bitewe na gahunda nyinshi z’imyiteguro y’ubukwe umuntu aba afite bibaho ku umwe mu bagiye gushinga urugo aheranwa n’imyiteguro akibagirwa intego nyamukuru y’umunsi arimo yitegura. Ibi si byiza rero kuko umunsi uba ugiye kubaniraho akaramata n’uwo wakunze ari umunsi ukomeye ukaba ugomba guhabwa agaciro gakwiye.

10. Gutinza igihe cyo kujya mu kwezi kwa buki

Ni byiza kwirinda guteganya igihe muzagira mu kwezi kwa buki nyuma y’igihe kinini mwarakoze ubukwe kuko uko abantu bagena bamarana igihe bari kumwe hari byinshi bigenda bihinduka mu mibanire yabo.

Abakobwa bageze mu bwangavu bashobora kwikorera ikizamini cya kanseri y’ibere

2012-02-19T01:44:00.000-08:00

Kanseri y’ibere ishobora gufata abagore ndetse n’abagabo, uretse ko kanseri y’ibere ku bagabo idakunze kugaragara.

Nk’uko tubisanga mu gitabo cya Anatomy and Physiology, Seeley, mu icapisho rya 6, kanseri y’ibere ku bagore ni kanseri yica iyo itavuwe, kandi ikaba iterwa no gutinda gucura ku mugore (late menopause), umubyibuho ukabije cyane, kuba haba hari umuntu wigeze wayirwara mu muryango w’umugore na byo byongera ibyago byo kurwara iyi kanseri, n’imirasire mibi irasa ku gatuza (radiation of chest).

Ibindi bishobora gutera iyi cancer ngo ntibizwi. Cyakora kwa muganga ngo bakoresha uburyo mammography (uburyo bukoreshwa mu kureba ibere hakoreshejwe imirasire).

Ariko kandi abakobwa ndetse n’abagore, bashobora gukora ikizamini ubwabo kugira ngo bamenye ko barwaye kanseri y’ibere bitabaye ngombwa kujya kwa muganga.

Ubwo buryo ngo bukorwa umukobwa afata akaboko ke hanyuma agafata ku mutwe inyuma noneho akandi kaboko akagakoresha akorakora ibere kugira ngo yumve niba hari utubumbe cyangwa se uduturugunyu tudasanzwe mw’ibere. Ibi akabikora ku mabere yombi. Hamwe akaboko gafashe inyuma ku mutwe, karambuye mu mpande cyangwa kazamuye hejuru; igihe wumvise utubumbe tudasanzwe mw’ibere wakwihutira kujya kwa muganga kugira ngo barebe neza ko ari kanseri y’ibere.

Ku bakobwa ngo ni byiza gukora iki kizamini batari mu mihango. Ibi bikaba bifasha cyane mu kumenya kare ko umukobwa afite iyi kanseri ku buryo ishobora no kuvurwa igakira.

Ni gute wakwirinda indwara ya gute (goutte)?

2012-02-19T01:43:00.000-08:00

Iyi ndwara ya Gute(goutte) igararagazwa n’uko abasirikare b’umubiri birunda mu ngingo bigateza kubyimba, hagatukura, n’ububabare bukabije cyane cyane ku rugingo rwa mbere rw’ino ry’igikumwe, izindi ngingo ndetse n’impyiko.

Ibi biba byatewe n’uko aside irike (acide urique) iba yabaye nyinshi mu maraso kuko iyo aside iba idasohoka mu nkari neza cyangwa iri gukorwa mu maraso ari nyinshi cyane ku buryo yose itasohoka mu nkari; noneho igakora utubuye tukajya kwirunda mu ngingo. Icyo gihe, umubiri usa n’uwitabara ukoresheje abasirikare bawo, bigatera bya bimenyetso twavuze haruguru.

Iyi ndwara ikunda gufata abantu bakuru, cyane cyane abagabo, ntikunze kuboneka mu bagore kereka abacuze (menopausées) kubera ikibazo cy’imisemburo.

Ni iki gitera kwirundanya kwa aside irike?

Nk’uko twabivuze haruguru, gute (goutte) iterwa no kwirundanya mu maraso kwa aside irike, iyo igipimo cy’iyo aside kirenze garama 6 muri mililitiro100 (6gm/100ml) z’amaraso, icyo gihe irirundanya igakora amabuye. Ayo ni yo atangira kwirunda mu zindi ngingo (tissus et articulations) ari na byo bitera bya bimenyetso.

Aside irike nyinshi iva he?

Muri rusange gute ni indwara umuntu akomora ku babyeyi (hereditaire) ariko indyo umuntu afata ishobora kugira uruhare runini mu kuyitera. Indyo yiganjemo inyama zitukura na alukolo (alcool) nyinshi bishobora gutera cyangwa bikongera ubukana bw’iyo ndwara.
Aside irike ijya mu maraso binyuze mu nzira nyinshi ariko inzira y’ingezi ni igihe umuntu arya ibiryo birimo icyo bita pirine (purine) nyinshi (inyama, amagi, amafi, imboga zumye nka soya n’ibishyimbo). Ibyo biryo umuntu urwaye gute akwiriye kubyirinda. Ibyo biribwa byose, mu gihe cy’igogorwa ryabyo haboneka aside irike nyinshi mu maraso ihinduka umwanda mu mubiri. Impyiko zishobora no kwangirika igihe aside irike yabaye nyinshi mu maraso. Icyo gihe haba kwirundanya kw’ayo mu ngingo nyinshi: inkokora, amavi n’ubujana bw’ikiganza, biteza ububabare bukabije muri izo ngingo; ndetse zishobora gutakaza ishusho yazo (deformation).

Uko yirindwa:

Mu kwirinda gute (goutte), abantu bagomba kurwanya impamvu ziyitera:

-Kwirinda ko aside irike yaba nyinshi mu maraso

-Kwirinda kunywa alukolo (alcool) cyane

-Kwirinda kurya ibintu birimo inyubakamubiri nyinshi zikomoka ku matungo igihe uyirwaye.
-Kugabanya gukoresha cyane imiti igabanya amazi mu mubiri (diuretiques)

-Kubuza aside irike gukorwa mu maraso n’ibindi.
Indyo yabugenewe kandi ifatirwa ku gihe ishobora guhagarika iyi ndwara no kuyoroshya igihe bigitangira. Ibiryo bigenewe abarwayi ba gute bigomba kuba byujuje ibi bikurikira:
1-Kuba bifite purine nkeya kuko ari yo itanga aside irike mu maraso:
-Imboga rwatsi zose uretse epinari seleri, zom, folon, puwaro (poireau), amashu, puwavuro (poivron), concombre, perisili, mente (menthe), inyanya, beterave zitukura, ibirayi.
-Imbuto zitohatoshye: avoka, inanasi, imineke, indimu, amacunga, pamplemousse, mandarine, raisin, inkeri, cerises, imyembe.
-Imbuto zumye-Ibinyampeke: umuceri, ibigori, mil, amasaka. Mu gihe umuntu arwaye goutte ntagomba kubirya cyane.

Nubwo gute (goutte) ari indwara yo mu muryango, abantu bashobora gufasha uyirwaye gukomeza kubaho neza ntibihindure gahunda ze mu buzima. Ibyo ngo bishobora kugerwaho abantu bakurikije inama zose buhabwa na Muganga, cyane cyane guhindura imirire bafata indyo ijyanye n’iyo ndwara. Iyi ndwara ya gute (goutte) ntikira ariko ntacyo yatwara umuntu ukurikiza ibyo twavuze hejuru. Ngo umuntu ashobora kuyibana igihe kirekire, ntihagarike imigambi ye.

Ibintu 5 wabasubiza Abakubaza Impamvu Ukiri Ingaragu

2012-02-19T01:42:00.002-08:00

Urubuga rwa internet www.7sur7.be ruvuga ko igihe uri ingaragu, kenshi uba ufite impamvu ibigutera cyangwa se ubona ari bwo ubayeho neza. Aha ngo usanga abantu bakubaza impamvu, ibi rero ni bimwe mu bintu ushobora gusubiza abakubaza iki kibazo.

Igihe ufite ibyo gukora

Hari ubwo umuntu abaho ariko akumva nta mwanya yabona wo kwita ku umukunda cyangwa se ku wo akunda, akumva ko nta cyatuma ata umwanya kuko aba atabifitiye igihe.

Kudashaka kugira inshuti

Igihe umugore yumva ko kuba yagira umugabo bitamureba; aha na bwo bishobora gutuma yumva ko kubaho wenyine ari byo by’ingenzi kurusha uko yagira umugabo.

Igihe ukunda kwisanzurana n’abantu benshi

Kubaho ufite urugo bisaba kugira ibyo wigomwa, igihe cyose wumva ugikeneye kugira ibyo umenya mu rukundo cyangwa se wumva kubana n’umugabo umwe bitagushobokera ngo aho kugira ngo uzamubabaze ngo biraruta kuguma uri ingaragu.

Kuba warigeze guhemukirwa mu rukundo

Aha ngo amaso yawe ahoramo amarira igihe cyose wibutse ko hari uwaguhemukiye, ibi bigatuma rero utekereza ko abagabo bose ari bamwe bigatuma uhitamo kubaho wenyine aho bishobora ngo no kugukurikirana mu buzima bwawe bwose.

Igihe ukeneye kuba wenyine

Hari ubwo ushobora kubaho uri ingaragu kuko gusa wumva ushaka kumenya uko kuba wenyine bimera, aha ni nk’igihe uba waramenyereye kubaho uri kumwe n’abantu bandi hanyuma ukumva noneho ukeneye kwiga kuba wenyine.
Uru rubuga rukaba rusoza ruvuga ko kwemera kuba ingaragu igihe kirekire biterwa n’uguhitamo kwa muntu.

Indwara yo kuva amaraso ntakame (hemophilie) ituruka ku ruhererekane rw’imiryango

2012-02-19T01:42:00.001-08:00

Ubundi hemophilie biva ku kigereki bivuga Philos:gukunda,Hemo:amaraso ; ni ukuvuga ko umuntu uyirwaye iyo aramutse akomeretse ava amaraso ntakame kugeza n’aho ashobora kubura ubuzima bwe.

Nk’uko tubikesha: wikipedia free- encyclopedia, iyi ndwara yaje yitwa iy’abami kuko umwamikazi VICTORIA yayihaye umuhungu we Leopold, hanyuma bamwe mu bamukomotseho na bo bakayirwara. Bashiki be na bo bayiha abagabo bashatse, bayihaye abana b’abahungu babyaye kugeza ubwo ikwiriye ubwami bw’i Burayi.

Na none nk’uko tubikesha igitabo cyitwa Principe d’Anatomie cyanditswe na TORTORA, umuntu uyirwaye iyo hagize ikimukomeretsa arangwa no kuva amaraso ntakame, ikaba ari indwara y’uruhererekane mu miryango (Maladie hereditaire), ni ukuvaga ko umuntu uyirwaye mu bazamukomokaho hagomba kuzavamo abayirwara byanze bikunze.

Indwara ya hemophilie iri mu ndwara z’uruhererekane mu miryango zamenyekanye kera kuko ahagana mu kinyejana cya kabiri yari izwi, ikaba kandi izwiho kwibasira abagabo. Ni ukuvuga ko nta mugore uyirwara kuko aramutse ayirwaye, igihe cy’imihango ntabwo yayiva imbere itamuhitanye.

Ibiranga umuntu uyirwaye

Umuntu urwaye hemophilie arangwa no kuva amaraso agatsina bigoranye cyangwa bikanga mu gihe akomeretse.
Kuva imyuna cyane no kunyara inkari zivanzemo amaraso.
Kuvira amaraso mu ruhu, mu mikaya, mu ngingo nta cyabimuteye cyangwa yakomeretse ndetse bikamutera n’ububabare bwinshi.

Uburyo ivurwa

Mu kuyivura hifashishwa, gutera umuntu mu mubiri imiti ituma amaraso ahagarara, abura cyagwa agahabwa umuti wa DESMOPRESSINE.

Sobanukirwa n’Iromba cyangwa Ikiromba

2012-02-19T01:41:00.000-08:00

Ubusanzwe bavuga ko umuntu afite iromba igihe mu nda he hagaragaje ikintu kigifurumba kimeze nkikirimo amazi cyangwa ibindi bintu cyatumbye ku ruhande rikaba riterwa nuko imikaya yo ku nda ndetse n'ibinure biba nta ngufu bifite kugirango bibashe gutangira inyama zo mu nda nk'igifu, amara, urwagashya, umwijima,..hanyuma zimwe muri zo zikava mu mwanya wazo ugasanga zateje akantu ka gahago inyuma karenga ku nda isanzwe
Bitewe n'iromba umuntu afite ashobora kumva inyama zavuye mu mwanya wazo zatumye agira iryo romba zisa nizisubiye mu mwanya wazo igihe ahumetse.

Amaromba arabagwa kwa mu ganga akavurwa neza, inyama zavuye mu mwanya wazo zigasubirayo

Nkuko tubikesha DIRECT HEALTH CARE INTERNATIONAL, umuntu uwo ari we wese yaba uruhinja rukivuka cyangwa umusaza rukukuri ashobora kuzana iromba, ariko aba bantu bitewe n’ibintu biberamo bituma inda ifora cyane baba bafite ibyago byinshi byo kuba bazashiduka bazanye iromba twavuga:

1.Umuntu urwaye inkorora karande (idakira), aha wavuga umunywi w'itabi wa cyane,
2.Umuntu ufite umubyibuho ukabije,
3. Abantu bikanira cyane mu byo bakora (kunyara, kwituma…)
4. Abagore batwite ,
5. Abantu baterura ibintu biremereye bakikanira,
6. Abantu basepfagura cyane igihe baba bariye ibintu umubiri utishimiye.

Kunywa isegereti imwe bigabanya iminota 6 ku buzima bw’urinywa

2012-02-19T01:40:00.001-08:00

Itabi rikunze kunyobwa , haba abato cyangwa se abakuru, ariko nk’uko bigaragazwa, ngo itabi rigira ingaruka zo kugabanya iminsi yom kuramba k’urinywa kugeza ku minita itandatu kuri buri segereti rinywewe.

Nk’uko tubikesha urubuga http://www.bmlweb.org/tabac.html rwakoze Ubushakashatsi ku bubi bw’itabi, rugaragaza ko iyo unyoye isegereti imwe uba ugabanyije iminota 6 ku gihe uba wagombye kumara ku isi.

Si ibi gusa kandi kuko Itabi ni kimwe mu biyobyabwenge bihitana abantu benshi ku isi, ibi bituruka ku bumara bwitwa nikotine(nicotine) ,ubu bumara bukaba bugira ingaruka ku muntu urinywa ndetse n’ugerwaho n’umwotsi waryo.

Itabi kandi ritera kanseri y’impindura, kanseri y’uruhago rw’inkari, kanseri y’inkondo y’umura na kanseri y’urwungano ngogozi.

Uretse kanseri kandi, itabi rinatera indwara zitandukanye harimo ; indwara y’umutima, indwara y’ubwonko n’indwara y’ibihaha, ndetse rishobora gutera indwara ya asima.

Itabi kandi rigira izindi ngaruka, harimo ubwivumbure bw’umubiri bwitwa alerigi (allergie) mu rurimi rw’igifaransa. Abahanga mu bumenyi bw’ingaruka z’itabi bemeje ko abakora mu nganda zitunganya itabi ari bo bibasirwa na alerigi (allergie) ari bwo bwivumbure bw’umubiri.

Itabi rituma amaraso adatembera neza mu mubiri w’urinywa. Si ku maraso gusa itabi rigiraho ingaruka kuko rinagira ingaruka mbi ku ruhu rw’umuntu ; harimo gutuma igisebe yakomeretse kitomoka ku buryo bworoshye ndetse rikanatera gukanyarara k’uruhu.

Itabi rinatuma amenyo aba umuhondo bishobora gutuma afatwa n’indwara nyinshi. Ibi bikaba byemezwa n’ihuriro ry’Inzobre mu by’ubuzima riyobowe na Dogiteri Pierrick HORDE.

Aba bahanga kandi batangaza ko kureka kunywa itabi bigabanyiriza urinywa ibyago byo kwandura indwara na za kanseri zitandukanye, cyane cyane kanseri y’ibihaha.

Sobanukirwa no guhangayika

2012-02-19T01:39:00.000-08:00

Ubusanzwe guhangayika ni imbaraga zituruka imbere mu mubiri cyangwa inyuma mu mubiri zikagira impinduka ku byiyumvo n’imyitwarire by’umuntu. Uko umuntu yitwara mu guhangayika bigira ingaruka kumubiri we.

Guhangayika bikunda guturuka ahantu hatandukanye :
-Aho utuye, akazi ukora, abavandimwe bawe, umuryango wawe, ibintu ubona, imirimo ushinzwe n’ibindi bizazane by’ubuzima bwa buri munsi.

-Ikindi ni uko ushobora guhangayika biturutse mu myitwarire yawe ; uko uruhuka cyangwa igihe usinzira; ibyo urya; uko umubiri wawe umeze n’ibindi.

Aho wahera wumva neza ingaruka zo guhangayika ni uko wamenya icyo Umufaransa witwa Claude Bernard, Umuhanga mu by’umubiri w’umuntu (physiologist), yise “Milieu interieur” ( Imbere mu mubiri wawe), aho asobanura imiturize y’imbere mu mubiri wawe (dynamic equilibrium).

Claude Bernard atanga urugero rw’ ibintu bihungabanya imbere mu mubiri: imbaraga z’ubushyuhe, umwuka duhumeka, ingufu dukoresha, ibyo dushaka n’ibindi bintu bidushaka ndetse hakiyongeraho n’uburwayi.

Umuhanga mu by’ubwonko (neurologist) witwa Walter Cannon agerageza guhuza ibyo Claude Bernard yavuze ku miturize y’imbere mu mubiri, agasobanura uburyo amarangamutima y’umuntu na yo agira ingaruka imbere mu mubiri. Undi muhanga wize neza guhangayika icyo aricyo witwa Hans Selye; ni we waguye ibisobanuro bya Claude na Hans; atanga igisobanuro cyo guhangayika agira ati “guhangayika ni imbaraga z’uruhurerekane rw’ibintu bibera aho ari ho hose mu mubiri”

Bikunze kugaragara ko abantu bafite guhangayika bakunze kuba bameze nk’abantu batameze neza cyangwa barwaye, ugasanga bamwe na bamwe biyahuza inzonza, amatabi, ibiyobyabwenge n’ibindi; mu by’ukuri, ibi bituma guhangayika byiyongera.

Guhangayika bimenywa na nyirabyo kandi kwihanganira guhangayika bigenzurwa n’umuntu ku giti cye. Guhangayika biza mu buryo bwinshi kandi bifata abantu b’ingeri zose, nta gipimo kiriho kizwi gipima guhangayika. Usanga hari uguhangayika kumara igihe kirekire, ukuza gutunguranye n’uguhangayika bikomeye.

Hari abantu bakunze kuvuga ko iyo bahangayitse baba bafite ububabare umubiri wose, guhumeka bikabagora, umutima ugatera cyane, gusinzira bikagora n’ibindi byinshi.

Ushobora nawe kutwandikira utubwira ibikubaho iyo uhangayitse, hanyuma ubutaha tukazarebera hamwe uburyo umuntu yakwirinda guhangayika( Stress).

Sobanukirwa n’indwara yo kwituma impatwe (constipation)

2012-02-19T01:38:00.002-08:00

Ubusanzwe indwara yo kwituma impatwe cyangwa kugugara irangwa no kugenda gahoro cyangwa kunanirwa kugenda kw’ibyo umuntu aba yariye iyo bigeze mu rura runini. Ibi biba kubera gutinda mu nzira, umubiri na wo ukamura amatembabuzi yose yari abirimo yabishobozaga kugenda.

Nk’uko tubikesha Igitabo: Physiology&Anatomy cyanditswe na Seely Stephens Tete, abantu bagera kuri miliyoni ebyiri n’igice bajya kwa muganga buri mwaka kubera indwara yo kugugara, naho miliyoni 400 z’amadolari zigakoreshwa buri mwaka mu kugura umuti wa laxative utuma boroherwa mu kwituma.

Indwara yo kugugara ishobora guterwa n’ibintu byinshi bitandukanye. Muri byo hari:

Kwa kundi umuntu aba ashaka kwituma akimunyamunya ntajyeyo, bigatuma umubiri ukurura amazi yose yari kumworohereza, ubwo akituma ibikomeye cyane.

Guhindura imyitwarire yawe ya buri munsi na byo bishobora kugira uruhare mu kuba wayirwara. Nko kugira ingendo ndende z’igihe kinini, kwiheba, kwandura izindi ndwara, gufata imiti imwe n’imwe uko wiboneye, gutwita, kugira akamenyero ko gufata ku miti ya laxitave, ibyo byose bishobora gutuma umuntu agugara yajya kwituma bikamugora.

Sobanukirwa n’indwara bita igisyo

2012-02-19T01:38:00.001-08:00

Ubusanzwe umuntu bavuga ko arwaye indwara y’igisyo igihe babonye inda ye yabyimbye hanyuma bakoraho bakumva imeze nk’irimo ibuye (igisyo). Mu by’ukuri, ni urwagashya ndetse n’umwijima biba byabyimbye.

Nk’uko tubikesha BETTER MEDECINE, umwijima ubwawo bawita inyama y’igitangaza mu mubiri kubera akamaro kawo ntagereranywa nko kuvubura indurwe ivuye mu gasabo kayo ituma ibyo umuntu yariye bibasha kugogorwa neza, kubika imyunyu ngungu nka iron ndetse na za vitamins, gukora proteins ziba zigize amaraso, kuyungurura imyanda iri mu maraso(blood detoxication), n’ibindi bitandukanye. Naho urwagashya rukagira akamaro umuntu atakwirengagiza nko gukora abasirikare b’umubiri no kurinda uturemangingo tw'amaraso.

Nk’uko tubikesha HEALTH GUIDE, kubyimba k’umwijima bishobora guturuka ku bintu byinshi, muri byo harimo:

Kunywa inzoga cyane(alcohol abuse)

Ibinure byabaye byinshi mu mwijima

Umuyoboro ucamo indurwe wazibye

Umuvuduku udasanzwe w’amaraso mu mugarura w’umwijima

Isukari nyinshi mu mubiri

-Izindi ndwara umuntu aba yisanganiwe; muri zo hari: congestive heart failure, hemolytic uremic syndrome, hepatitis A&B, kanseri y’amaraso niy’umwijima, ndetse niy’ubwonko.

Umuntu urwaye igisyo agaragaza bimwe muri ibi bimenyetso

1.Kubyimba inda (iki cyo kiriganje cyane) kubera amazi aba yabaye menshi mu mubiri we hagakurikiraho iminwa, utugombamabari, ibiganza, insina z’amatwi, amaguru, isura n’ururimi.

2.Kugira ububabare budasanzwe mu ngingo hagakurikiraho mu bitugu, urutirigongo, ibikanu, ijosi, mu ntege, amaguru n’amaboko.

Ubutaha, tuzagaruka tubabwira uburyo bwo kwirinda no kwivuza iyi ndwara.

Impavu 10 gukora sport ari ingirakamaro mu buzima

2012-02-19T01:38:00.000-08:00

Gukora siporo bigira umumaro munini haba ku bayikora no ku bakunda kuyitabira bayireba. Dore zimwe mu mpamvu zishimangira ko siporo ari ingirakamaro mu mibereho y’umuntu no mu buzima bwabo bwa buri munsi:

1. Gukora sport bituma amaraso atembera neza mu mubiri bikanagabanya indwara zibasira umutima.
2. Gukora sport bituma umuntu agira umubiri mwiza bimurinda umubyibuho ukabije (overweight)
3. Abakobwa na bo burya ngo bakunda abahungu bafite kime (gars musculés)
4. Gukora sport bituma uwayikoze yitwara neza ku buriri (être en forme pour faire l’amour)
5. Iyo ari sport ukorera ahantu hahurira benshi nawe uba wishakira isoko
6. Sport ituma uyikora asohoka akava mu rugo akajya aho bandi bateraniye
7. Abakobwa bakora sport burya ngo bagira amabere meza cyane
8. Sport ishobora gutuma umuntu abonera umukunzi aho ayikorera, ubwo nawe urumva igikurikiraho
9. Sport ituma uwayikoze asinzira neza iryo joro
10. Gukora sport bishimisha uyikora, ni yo mpamvu nanjye ubwanjye nagize iki gitekerezo!

Menya byinshi ku bijyanye na kanseri ifata imirerantanga ngore (Ovarian cancer)

2012-02-19T01:36:00.000-08:00

Ubu bwoko bwa kanseri ni kanseri yibasira imirerantanga y’abagore, ikaba ikunda kugaragara cyane ku bagore bari hejuru y’imyaka 50. Urwaye iyi kanseri, ngo ashobora kugira ibimenyetso agaragaza, kimwe n’uko hari ubwo atabigaragaza.

Ibyo bimenyetso rero ashobora kugaragaza, ngo hari uguhaga vuba vuba igihe umuntu afungura, bikaba byamutera kugugara mu gifu n’igogora ritagenda neza, kumererwa nabi mu mara, gushaka kwihagarika cyane, ihindagurika ry’ibihe by’ukwezi k’umugore, kugira uburibwe mu mbavu, no kutamererwa neza n’indyo ufashe. Ingaruka zayo zikaba ari nyinshi, ariko iteye inkeke akaba iri ugutuma umugore atabyara, kuko iyi kanseri itera ubugumba.

Cyakora ngo nubwo bitoroshye kuvumbura iyi kanseri hakiri kare, 20% by’iyi kanseri ngo byaba bitahurwa mbere y’uko birenga cyangwa bikazahaza umurerantanga ngore. Hejuru y’ibyo ngo n’imiti ishobora gufasha uyirwaye, ikaba iboneka.

Ubushakashatsi buyivugaho iki?

Nk’uko tubikesha www.health.com, umwanditsi akaba n’umushakashatsi Mary Anne Rossing, umwe mu bagize Centre ya Fred Hutchinson y’i Seattle ikora ubushakashatsi kuri za kanseri, avuga ko buri mwaka, abagore barenga igihumbi na magana atanu (1.500) bapfa bazize iyi kanseri igikorwaho ubushakashatsi na n’ubu. Ngo byagaragaye ko poroteyini ya CA125, ari kimwe mu bigaragaza ko umuntu yaba afite iyi kanseri, nyuma yo gukora ibizamini ku murwayi. Cyakora ngo ibi bituma hadatahurwa neza ubukure bw’iyi kanseri, noneho bikaba byatuma umurwayi abagwa inshuro nyinshi bitari ngombwa.

Ikindi abantu bakwiriye kumenya ngo ni uko iyi kanseri ishobora kuba indwara y’inkomoko mu muryango, kuko hari kimwe mu bigize amaraso bita gene mu cyongereza; (ngo gene ya BRCA) ikaba igira uruhare mu ihererekanywa ry’iyi kanseri, dore ko ngo no kubana n’uyifite igihe kinini biri mu byongera amahirwe menshi yo kuyandura. Abagore rero ngo bavukana iyi gene ya BRCA ngo bakunda kurwara kanseri y’ibere ndetse n’iyibasira imirerantanga.

Uko ivurwa:

Health.com ikomeza itubwira ko umugore urwaye iyi kanseri, mu kuvurwa kwe, hashingirwa ku mibereho ye muri rusange, uburyo yaba agikomeza kwifuza kubyaran’ikigero cy’imyaka afite. Ikindi ngo ni uko mu kuyivura, kubagwa bifasha cyane, dore ko inyama zamunzwe n’iyi kanseri zikurwamo,zigasimbuzwa izindi. Nyuma yo kubaga, hari n’uburyo bwa chemotherapy buhita bukurikiraho, kuko bukoreshwamo imiti yica udukoko turema iyi kanseri. Ibyo byose iyo bikorewe umugore wari ayirwaye, ngo bishobora gutuma asama, bityo akaba yabyara.

Gusa ariko kuba umugore yakurwamo udusabo tw’intanga, ngo bishobora kumutera indwara nk’iy’umutima, kuba yahita ugera mu gihe cyo gucura, na byo bikurura ingaruka nko kubura ububobere mu gihe cy’imibonano mpuzabitsina.

Umuntu wabona kimwe mu bimenyetso biyiranga, akaba asabwa kwihutira kujya kwa muganga kugira ngo abe yakurikiranwa hakiri kare.

Kugira ngo urambe, baho neza kandi unezerewe!

2012-02-19T01:33:00.001-08:00

Gukora imyitozo ngororangingo, kurya neza, kutanywa itabi, gusinzira, kuruhuka no kugira urukundo ni ibintu 6 bishobora gufasha umuntu kubaho neza akaramba. Ibi ni ibitangazwa n’abahanga mu bijyanye n’imibereho ya muntu, nk’uko tubikesha ikinyamakuru Slate.fr.

Nk’uko bitangazwa na Dr David L. Katz, Umuyobozi w’Ikigo cyitwa Centre de Recherche sur la Prévention de Yale, ngo hari ibintu bitandatu by’ingenzi yita “Super 6” bituma umuntu abaho igihe kirekire kandi afite ubuzima bwiza. Ibyo bintu bikaba ari: ugukora imyitozo ngororangingo, kurya neza, kutanywa itabi, gusinzira, kuruhuka no kugira urukundo.

Muri ibi bintu bitandatu, Dr Katz agaragaza bitatu by’ingenzi kuri buri kimwe akerekana ikimenyetso kikiranga.

Ku mirimo ngororangingo, icy’ingenzi ni ibirenge; ku mirire ni ikanya, naho ku itabi ni intoki. Ku bijyanye n’ibitotsi ngo ingano y’ibitotsi igira ingaruka ku mikorere y’umubiri ndetse n’imikorere y’ubwonko ku buryo bishobora gutera kanseri. Ni kimwe rero no ku munaniro, na wo ushobora gutuma imisemburo y’umubiri idakora neza bityo bikaba byateza ikibazo cya kanseri.

Ku byerekeye urukundo, avuga ko mu mibereho y’umuntu akenera kubana n’abandi, akemeza kandi ko abantu babana neza n’abandi, bagakundana, badakunda gufatwa n’indwara zidakira kandi ntibapfe cyane nk’abadakundana.

Nk’uko uwo muganga w’umunyamerika akomeza abisobanura, ngo ibi bintu bitandatu by’ingenzi, abantu babigize intego mu buzima bwabo bwa buri munsi byababera inyungu ku buzima bwabo bikabarinda n’indwara zidakira harimo na kanseri.

Menya indwara yo kugira udusebe mu gifu n’igice cyo hejuru cy’urura ruto

2012-02-19T01:33:00.000-08:00

Indwara yo kuba umuntu yagira udusebe duto imbere mu gifu cyangwa ku gice cyo hejuru y’urura ruto, ngo yaba ibaho nubwo kenshi na kenshi umuntu ashobora gufatwa na yo, akumva aribwa mu nda gusa ariko adasobanukirwa mu by’ukuri ikimutera ubwo buribwe, ariko bufite ikibutera.

Nk’uko tubikesha urubuga rwa internet www.health.com ndetse na www.amazone.com, ngo iyi ndwara irangwa no kugira udusebe mu gifu (gastic ulcers) no ku gice cyo hejuru cy’urura ruto (duodenum ulcers), yaba iterwa no kwangirika kw’akarinda igifu (stomach's protective layer) bitewe n’agakoko bita helicobacter pylori ndetse n’ikoreshwa ry’imiti irinda ugushya kw’imbere gushobora guterwa n’imisemburo myinshi umuntu afite, ishobora kumutwika mu nyama zo munda nk’igifu, amara n’izindi. Iyi miti ishobora kuba idateguye neza, yiganwe cyangwa se yararengeje igihe cyagenewe ikoreshwa ryayo. Nyuma, ngo iyo ibi bibayeho, bituma imishongi y’ibyo kurya byamaze gukorerwa igogora ishobora kwangiza uruhurirane rw’uturemangingo tugize igifu kimwe n’amara (intestine or stomach tissue).Ibi ngo ni uko iyi mishongi y’ibiribwa byakorewe igogora. Iyo mishongi iba irimo imiseburo ibiri yangiza bikomeye imbere h’igifu ari yo hydrochloric acid na anzyme yitwa pepsin.

Nk’uko dukomeza tubikesha amazone.com na health.com, ngo ibimenyetso biyiranga byaba bitoroshye kwemeza, kuko bihindagurika ku bantu, hakaba n’abashobora kutagira ibyo bagaragaza, ariko kandi hari ibibasha kugaragara:

-Kokerwa imbere ndetse no kubabara mu gice cyo hagati cy’inda ahagana ku mukondo no mu gituza. Ibi ntibibuza ko abantu bamwe na bamwe ngo bashobora kuba bagira n’ikibazo cy’uburibwe mu mugongo. Ubu buribwe muri rusange ngo bushobora kumara igihe cyo kuva ku minota mike kugeza ku cyumweru.

-Kuba uburibwe busubirayo ari uko umaze gufata imiti igabanya imisemburo yo mu mubiri gusa.
-Kubura ukuryoherwa igihe ufungura (Loss of appetite) no gutakaza ibiro.
-Kutamererwa neza, umuntu akaguganirwa nk’uwaguye ivutu, iseseme no gushaka kuruka nyuma yo kurya.
-Kuruka amaraso cyangwa utuntu tumeze nk’uduce duto tw’ikawa iseye.
-Kwituma amaraso asa n’ayijimye

Uko iyi ndwara ivurwa

Nk’uko bigenda mu kuvura n’izindi ndwara zose, iyo umurwayi ashobora kwivugira, umuganga abanza kumubaza ibimenyetso afite, mu yandi magambo ni uko aribwa cyangwa yafashwe.

Iyo rero ibimenyetso ufite bidakomeye, kandi umuntu akaba ari munsi y’imyaka 55,ngo dogiteri ashobora kumukorera ibizamini byoroshye, hakoreshejwe amaraso, umwuka asohoye cyangwa umwanda bituma, kugira ngo hatahurwe ibimenyetso bya ka gakoko ka helicobacter pylori, gatera iyi ndwara.Uburyo bundi ni ugukora ibizamini byimbitse hakoreshejwe uburyo bwa edoscpopy, kugira ngo harebwe niba ufite udukomere mu nda, bigakorwa n’umuganga w’inzobere mu kuvura indwara zo mu nda.

Iyo byamaze kugaragara ko umuntu afite iyi ndwara, ngo ni byiza gufata imiti igabanya imisemburo yo mu gifu. Ni ngombwa kandi gufata imiti yo mu bwoko bwa antibiotics, igihe muganga azikwandikiye, ukazinywera ku gihe, ntuhagarike n’umunsi n’umwe kubera ko wenda wumva usa n’uworohewe, ukayirangiza yose.

Menya ko kandi, igihe cyose unywa itabi n’ibinyobwa byose bisindisha, uba wongera umuvuduko w’ikura ry’udusebe mu gifu ndetse no mu mara. Komeza gukoresha imiti nka aspirin, ibuprofen, cyangwa na proxen, ngo kuko byagufasha kuba utwo dusebe twasubirayo.

Ngo si byiza kandi gusuzugura ibimenyetso wabonye bishobora kuba ari iby’iyi ndwara, kuko bishobora kuza bikongera bikagenda. Ubusanzwe, ibisebe ibyo ari byo byose, aho bishobora kuba biri aho ari ho hose ku mubiri, si ibintu byo gukinisha.Bityo rero, ni byiza ko wihutira kwivuza, igihe ukeka ko ari iyi ndwara itoroshye.

Ibijyanye no kwivuza magendu

2012-02-19T01:31:00.002-08:00

Iyo umuntu avuze kwa magendu bishatse kuvuga kwa muganga utemewe n'amategeko agenga abaganga.

Kuva mu bihe bya kera, abasokoruza bacu na bo bakoreshaga ubwo buryo bwo kwa magendu mu gihe bahuye n'ibibazo by'umubiri.

Ubundi iyo urwaye, ni igihe umubiri wawe uba wagize intege nkeya zo kwihanganira ikintu cyakubayeho nk'indwara. Icyo gihe utangira gutekereza ku bintu byinshi ariko icya mbere ni uburyo wazakira iyo ndwara cyangwa wakira icyo kintu cyakubayeho kidasanzwe kandi kikubangamiye. Akenshi usanga hari indwara ushobora kurwara ukayikorana (ntuhagarike gukora ibyo wakoraga), hari n'indi ndwara urwara ikakugusha hasi, aho bavuga ko umuntu yarenbye cyane byo kjyanwa kwa muganga.

Mu Rwanda rwo hambere bahitaga bakujya ku bapfumu kugira ngo babanze babaze imana zabo icyatumye urwara, bityo bagafata ikindi cyemezo bavuyeyo.

Kwa magendu ni hehe?

Kwa magendu ni ahantu (nk'uko twabibonye haruguru) usanga umuntu utanga imiti ku buryo butemewe n'amategeko agenga abaganga. Ndetse bene aho hantu usanga nta kintu na kimwe kiranga ko ari aho gukirira nk'uko kwa muganga bivuga aho gukirira indwara. Hari ibintu byinshi biranga kwa magendu, ntihaba icyo twakitwa mu rurimi rw'amahanga dontology, ahubwo usanga ahanini nyir'ugutanga umuti icyo aba yishakira ari agafaranga nk'uko bigaragazwa n'abahagenze cyane. Aha bitandukanye cyane no kwa muganga, aho umurwayi kabone n'ubwo yaba nta mafaranga afite avurwa agasigara ashaka ya mafranga.

Magendu rero agira akarimi keza ko kureshya abakiriya cyane nk'iyo yamamaza ibikorwa bye, ntatana no kukubwira ko avura indwara zose, aho bashobora kuvuga ko bavura n’izananiranye, maze bigatera abantu bamwe gutekereza niba uwo muntu ari kuko ngo ari yo ishobora byose

Kugeza ubu, haba mu Rwanda no mu mahanga, inzego zitandukanye z’ubuzima zikaba zarahagurukiye kurwanya no kurandura magendu kugira ngo barwnye iki cyorezo.

Kwivuza magendu ni iki?

Kwivuza magendu babivuga igihe umuntu afashwe n'indwara agahita yihutira kujya aho batangira imiti. Hashobora no kuba ari muri Pharmacie ikwegereye cyangwa nyine kwa magendu hasanzwe. Icyo gihe iyo ugerageje kujya muri pharmacie uba usa nk'aho wivuye nta muti uba wandikiwe na muganga ubifitiye ububasha n'uburenganzira. Ibi rero ngo bikaba atari byiza kuko ubuzima butari ikintu cyo gukiniraho.

Abantu bakaba bakangurirwa kwitondera uburyo b ivuza, dore ko iyo amagara yasesekaye atayorwa. Ni byiza ko umuntu wese ufashwe n’uburwayi yihutira kujya kwa muganga kuruta ko yakwitekerereza uburyo agiye kwivura.

Benshi mu bagabo bafite umubyibuho ukabije, ngo bagira amasohoro atarimo intangangabo zihagije

2012-02-19T01:31:00.001-08:00

Ubushakshatsi bwakorewe mu gihugu cy’u Bufaransa, bwagaragaje ko abagabo benshi bafite umubyibuho ukabije, bagira amasohoro atarimo intangangabo zihagije, ibi kandi ngo bishobora gutuma bagira ubugumba mu gihe gito.

Iyi nyigo yatangiye mu mwaka w’2010 ikorwa n’itsinda ry’abahanga mu bijyanye n’imyororekere y’ibinyabuzima, riyobowe na Dr Paul Cohen-Bacrie umuyobozi mukuru w’ikigo cy’ubushakashatsi ku bijyanye n’ibinyabuzima (biologie médicale) cya Eylau-Unilabs giherereye mu Mujyi wa Paris, ikaba yarakorewe ku bantu igihumbi managa icyenda na mirongo ine (1940).

Dr Cohen-Bacrie yagize ati : ”Kugira umubyibuho ukabije, bigira uruhare mu guhindura uburyo hakorwa amasohoro, mbese habaho ibisa n’akavuyo mu misemburo bigatuma habaho impunduka itari nziza mu ikorwa ry’intangangabo, birimo ingano yazo mu bwinshi, mu bushobozi bwo kuyega ndetse n’ubuzima bwazo”.

Nk’uko urubuga rwa Internet 7sur7.be rukomeza rubitangaza , aba bashakashatsi bakoze isesengura ku ngano y’amasohoro, urugero rwayo hagendewe ku cyitwa pH(Potentiel d’Hydrogene), ingano yazo mu mibare, ubushobozi bwazo bwo kuyega(leur mobilité) ndetse n’ubuzima bwazo muri rusange.

Muri iyi nyigo kandi, hagaragajwe isano ya bugufi iri hagati y’ibiro by’umuntu ndetse n’ibyitaweho hakorwa ubushakashatsi ku ikorwa ry’amasohoro mu mubiri wa muntu, biza kugaragara ko iyo umugabo afite umubyibuho ukabije umwimerere n’imiterere by’intangangabo ugabanyuka.

Iyi nyigo kandi ikomeza ivuga ko byagaragaye ko hagabanuka icumi ku ijana(10%) by’umubare w’intangangabo mu masohoro y’umugabo ubyibushye cyane ugereranyije n’umugabo ufite ibiro biri mu rugero.

Biba agahomamunwa noneho iyo umugabo ufite ibiro birengeje urugero afashwe n’indwara iterwa n’umubyibuho ukabije, izwi nka Obésité kuko umubare w’intangangabo ze ugabanyukaho makumyabiri ku ijana(20%) ugereranyije n’umuntu ufite ibiro biringaniye.
Iyi nyigo yashyizwe ahagaragara kuwa 3 Nyakanga uyu mwaka (2011) mu gihugu cya Sweden (Suede) mu Mujyi wa Stockholm, ubwo bari muri congrès (soma kongere) ya ESHRE (European Society of Human Reproduction) yigaga ku bijyane n’imyororokere ya muntu.
Inkuru: igihe

Abagabo baba bagira Point “G”, nkuko abagore bayigira?

2012-02-19T01:31:00.000-08:00

Reka nkwibutse ko Point G yavumbuwe mu 1950 ivumbuwe na Ernest Gräfenberg, Iyi point G niba ari ubwa mbere uyumviuse akaba ari izina ryahawe ahantu ngo hagira sensibilité cyangwa se ubwumvumve bwo mu rwego rwo hejuru, butuma ubashije gukorerwa aho hantu mu gihe cy’imibonano mpuzabitsina ngo agira ibyishimo bidasanzwe ndetse bikaba byatuma ibyishimo bye bigera ku ndunduro mu buryo bwiza cyane.

Gusa abantu bose ntibayivugaho bimwe, hari abemeza ko ibaho abandi bakayihakana. Mu minsi ishize twayivugaga ku gitsina gore, tuvuga ngo ishakirwa muri cm 2 uvuye hanze winjira imbere mu gitsina cy’umugore, aho umugabo ashobora kuyishakisha agafasha umugore we kwishimirwa n’imibonano akoresheje igitsina gabo cg se urutoki. Byose bigaterwa n’ibyo uwo akorera akunda kandi yifuza, ari nayo mpamvu ikiganiro ari ngombwa igihe mugeze kuri uwo murimo.

Iyi Point G ku bagore, ngo hari abagabo benshi rwose bayishakisha ariko ntibabashe kuyibona. Ku mugabo rero, nk’uko uyu mukunzi wacu yari yabibajije, nabo ngo baba bayigira. Ariko rero ho noneho, kuzayibona bishobora kuba bigoranye cyane, cyane cyane iyo twinjiye no mu muco nyarwanda.

Point G y’umugabo iboneka he?

Nitujya ku rubuga rwa internet sexoconseil.com, cg tugasoma ibitabo nka "Le traité des caresses", cyanditswe na Dr Gérard Leleu cyangwa se "Questions d'hommes", cya Drs Jean Belaïsch na Anne de Kervasdoué, ngo aha hantu umugore ashobora gukorakora hakaba hafasha umugabo we kugira ibyishimo byo mu rwego rwo hejuru harahari. Akaba ngo ari hagati y’aho udusabo tw’intanga ku mugabo dutereye, hamwe n’umwenge w’ikibuno, ariko kandi si ahagaragara inyuma, ahubwo nimo imbere mu mubiri w’umugabo.

Aha hantu umugore yabashije kuhavumbura akahakorakora neza, ngo hashobora gutuma umugabo agira ubushake bwo mu rwego rwo hejuru, ngo byaba na ngombwa hakaba hatuma arangiza. Uti ese wahakora ute kandi ari imbere mu mubiri ?

Point G na Postaste

Ntarabikubwira, nakubwira ko aha hantu, Point G ku bagabo, hagereranywa na Prostate, aho Dr Jean Belaïsh yemeje ko na prostate ubwayo, igice kimwe mu bigize imyanya myororokere y’umugabo, ngo bamwe mu bagabo baba bashimishwa no kuba hagira uyibakorakoreraho anyujije muri wa mwenge w’ikibuno nyine.

Prostate ubusanzwe ikaba ifasha mu gukora amasohoro, nayo ifite ambabuzi ivubura, ariko kandi ngo ikagira uruhare no mu byishimo umugabo abonera mu mibonano mpuzabitsina, ndetse no mu kubigeza ku ndunduro, cyangwa se kurangiza.
Uti rero umugore yakora iki ngo abashe gukorakora Point G y’umugabo we, cyangwa se yemwe na Prostate ubwayo ?

Uko umugore yakorakora Point G cyangwa Prostate

Nta kindi bisaba, ngo ni ukwinjiza urutoki muri wa mwenge w’ikibuno cy’uwo mugabo muri kumwe, hanyuma ugashakisha, ukumva aho prostate iherereye, noneho ugasa n’uhakorakora cyangwa se uhakorera massage, hamwe n’iruhande rwayo, kugeza aho ugereye kuri ya Point G.

Ikizabikubwira ko wayigezeho akaba ari uko umugabo azakubwira ko aho ugeze hari gutuma amererwa neza cyane ni uko ugakomeza ukamukorakora ahongaho ukoresheje rwa rutoki winjije mu mwenge w’ikibuno.

Abagabo bashobora kumva vuba uburyo ibi bishobora kuba ari byiza, ni ababa barigeze gukorerwa ikizamini cya Prostate kwa muganga.

Gusa ntangira navugaga iby’umuco nyarwanda, uretse n’umuco, abantu bose ntibakunda ibintu kimwe. Niba wumvise ibi rero ukaba ushaka kugerageza, uramenye uzabanze ubivuganeho n’umugabo wawe kuko hari abagabo badakunda ko hagira umuntu ubinjiza urutoki mu gitsina.

Norplant mu kuringaniza imbyaro ishobora gutera ingorane zo kumagara mu gitsina

2012-02-19T01:27:00.001-08:00

Norplant ni uburyo bwo kuringaniza urubyaro hakoreshejwe agapira gashyirwa mu kuboko (mu kizigira). Ubu buryo bukaba bushobora gufasha umugore ubukoresha kuba atasama kugera ku gihe cy’imyaka 5. Ubu buryo bwakoreshejwe bwa mbere mu gihugu cya Finland mu mwaka wa 1983.

Kuva icyo gihe mu mwaka wa 1983, hagiye hahinduka byinshi kuri ubu buryo bw’agapira (Norplant) kugira ngo habeho uburyo bwizewe kandi bwa nyabwo mu kuringaniza urubyaro. Uburyo bwa Norplant bukoreshwa uyu munsi, bwagiye bwigwa kandi buhindurwa ku buryo bwizewe ku kigero cya hafi 100%.

Uburyo agapira (Norplant ) bukoreshwa
Norplant (Agapira), gashyirwa mu kizigira cy’ukuboko imbere y’uruhu. Mu gushyira agapira mu kizigira cy’umugore, bishobora gutwara iminota igera kuri 15. Rimwe na rimwe hari abagore uba ushobora kubona ishusho ya Norplant mu kizigira cyabo. Mbese isa n’ibonerana mu ruhu. Agapira kakaba gafasha umugore kuringaniza imbyaro kugeza ku gihe cy’imyaka 5.
Agapira (Norplant) gakora gate?
Ubu buryo bufasha umugore ubukoresha kudasama. Icyo gakora, ni uko iminsi y’uburumbuke ku mugore ihinduka ubusa. Ni ukuvuga ko ubu buryo burwanya ugusama bubuza kuba yabasha kwakira ibijyanye n’isama (Gusama).
Kugeza uyu munsi, ubu buryo bwizewe ku kigero cya 99% – 99.95%, gusa nanone si bwo buryo bwonyine bwo kuringaniza imbyaro bukoreshwa.

Igihe ubu buryo butemewe gukoreshwa

Ubu buryo ntibukoreshwa n’umugore ufite indwara zimwe na zimwe nka Cancer, cancer yo mu mabere… ni byiza gukoresha ubu buryo mu gihe muganga yasanze nta ngorane na nke uzahura na zo bitewe n’imiterere y’umubiri wawe, cyangwa bitewe n’izindi mpamvu runaka muganga azakubwira.

Ibibzao bitari byiza bishobora guterwa na Norplant (Agapira)

Nyuma y’amezi atatu umugore atangiye gukoresha ubu buryo, aba agomba kureba niba nta ngorane cyangwa ingaruka mbi yahuye na zo kuva atangiye kugakoresha. Mu bibazo ashobora guhura na byo harimo:

- Ukwiyongera ku muvuduko w’amaraso,
- Uguhindagurika k’ukwezi k’umugore (Igihe abonera imihango),
- Kwiyongera kw’ibiro,
- Kumva atishimye,
- Kumva adashakaka gukora imibonano mpuzabitsina,
- Umunaniro,
- Isesemi,
- Ashobora no kuruka,
- Ugupfuka umusatsi,
- Kuribwa n’umutwe,
- N’izindi ngaruka zitari nziza zitandukanye.

Guhura n’izi ngorane warakoresheje Norplant, ni ibisanzwe. Abahanga mu by’ubuvuzi bakugira inama zuko mu mezi 3 ya mbere utangiye gukoresha Norplant, uramutse uhuye n’ibibazo cyangwa ingaruka zitari nziza, ushobora gusubira kwa muganga bakagufasha.

Ikindi twakubwira ni uko bishoboka kugakuramo. Mu gihe waba wumva utabasha gukomeza kwihanganira ingaruka mbi uhura na zo kubera Norplant, ushobora kwegera muganga mukaganira bakaba bayikuvanamo.

Indi nama ikomeye twababwira mwe mwese mushaka kuringaniza urubyaro, ni uko hariho uburyo bwinshi bwo kuringaniza urubyaro. Buri wese rero aba ashobora guhitamo ubwo ashaka, kandi bunajyanye n’imiterere y’umubiri we.
Mukomeze mugire ubuzima bwiza muringaniza urubyaro ku rwego rw’imiterere y’umubiri wanyu.

Ingaruka zo Gusiramurwa mu buryo bwa magendu

2012-02-19T01:26:00.000-08:00

Ubusanzwe gusiramura ni ugukata agahu kaba gatwikiriye igitsina cy’umugabo. Ibi bikorwa n’umuganga cyangwa se indi mpuguke mu bijyanye no gusiramura, ku mpamvu z’isuku y’igitsina gabo, ariko bikaba byanakoreshwa nk’uburyo bwo kuvura indwara zimwe na zimwe zifata agahu k’igitsina gabo

Ibi kandi bishobora gukorwa ku mpamvu z’imyemerere y’idini n’umuco. Gusiramura kandi byagaragaye ko bigabanya ibyago by’umugabo byo kwandura virusi itera SIDA ku kigero cya 38% kugeza kuri 66% ndetse n’izindi ndwara zandurira mu mibonano mpuzabitsina ziterwa na virus nka papillomas virus ariko kandi ngo ntibirinda kwandura mburugu (syphilis), na ndetse ngo ntibirinda kwandura k’umugore cyangwa se abakora imibonano mpuzabitsina babihuje
Nk’uko tubikura mu cyegeranyo cy’Umuryango mpuzamahanga wita ku Buzima (OMS), Male circumcision global trends and derterminants of prevalence, safety and acceptability, cyatangajwe mu mwaka wa 2009, na Male circumcision for prevention of heterosexual acquisition of HIV /AIDS ndetse n’urubuga rwa internet nka wikipedia encyclopedie libre, iyo gusiramura bikozwe nabi, cyane cyane bitakorewe kwa muganga bishobora kugira zimwe muri izi ngaruka:

•Kugabanuka k’umwenge ucamo inkari cyangwa amasohoro uri ku mutwe w’igitsina gabo (stenose), bikaba byatuma utihagarika neza ndetse no kuguma kw’ inkari mu ruhago (retention aigue d’urine)

•Gushyukwa ukababara cyane

•Kugabanuka kw’amaraso atembera mu gitsina gabo

•Cancer y’igitsina cy’umugabo ishobora kuva ku nkovu

•Kuva cyane kw’amaraso ku nkovu

•Gufatana kw’urugara rw’umutwe w’igitsina cy’umugabo n’igice cy’agahu cyasigaye (ponts)

•Bishobora kandi kongera ukumagara mu gitsina gore igihe bakase igice kinini cya kariya gahu (circoncision haute et serrees)

•Kugira igitsina gabo kigondamye kubera gukata nabi kariya gahu ku buryo butangana
Tubibutse ko ibi biba iyo umuntu yasiramuwe nabi cyangwa atasiramuwe n’abaganga babihuguriwe. Igihe wabona bibaye, gana ibitaro bikwegereye bigufashe.

Hari imbwa zishobora gusuzuma kanseri ifata umuyoborantanga (cancer de prostate)

2012-02-19T01:25:00.001-08:00

Kanseri ifata umuyoborantanga (cancer de prostate) ikomeje kwibasira zimwe mu mpande z’isi, no mu Rwanda ngo ikaba ihagaragara, ariko mu buryo budahanitse. Kugeza magingo aya, uburyo bwamaze gushyirwa ahagaragara mu gusuzuma iyo kanseri, ni uburyo bwa PSA(Prostate Specific Antigen), ariko ngo hari n’imbwa (nyarubwana) zifite ubushobozi bwo gusuzuma iyi kanseri. Cyakora ngo si izo ari zo zose kuko zibanza kubitozwa.

NI GUTE SE IBIGERAHO?

Nk’uko tubikesha urubuga rwa internet www.juliewillems.be, ubushakashatsi bwakozwe na Cussenot, impuguke akaba n’umuganga mu buvuzi bw’imbere mu mubiri(medecine interne) ku bitaro bya Tenon i Paris, ku bufatanye n’urwego rw’igisirikari cy’u Bufaransa rwifashisha imbwa mu bikorwa byarwo (service cynophile de l’armée française), bwerekana ko imbwa, ishobora kumenya uwanduye kanseri ifata umuyoborantanga (n’udusabo tw’intanga-ngabo), nyuma yo kwinukiriza inkari z’uyikekwaho.

Muri ubwo bushakashatsi bwakozwe ku barwayi batandatu, ngo nyarubwana yatojwe imyaka ibiri yose, bayizanira inkari z’abafite ubwandu bw’iyi kanseri ndetse n’iz’abatabufite,kugeza ubwo yaje kugera aho ishobora kumenya neza iz’uwanduye, ikabigaragaza ihaguma ndetse inamoka buhoro. Iyi nyarubwana rero yakoreshejwe muri ubu bushakashatsi bwa Cussenot, ngo buri murwayi yihagarikaga imbere y’aho ahagaze, ubundi nyarubwana ikahanyura yinukiriza, nyuma yagera ku nkari z’ufite ubwandu bw’iyo kanseri, igahita yicara hasi imbere ye, ngo kuko kuri yo, impumuro y’inkari z’ufite ubwo bwandu itandukanye n’iy’utabufite.

Nk’uko dukomeza tubikesha juliewillems.be, ngo si iyo kanseri yonyine nyarubwana ishobora kumenya uyirwaye, kuko ngo ishobora no kumenya ufite ubwandu bwa kanseri y’uruhu n’iy’ibihaha igihe yinukirije umwuka umuntu ushobora kuba ayifite asohoye mu kanwa ke, ngo kuko uwo mwuka uba wuzuyemo udukoko tw’iyo kanseri.

Niba nyarubwana ari ingirakamaro mu buvuzi, by’umwihariko ku ndwara zikomeye nka za kanseri rero, niyitabweho.

Uburyo bwiza wabikamo ibiribwa ntibyangirike

2012-02-19T01:25:00.000-08:00

Ese waba uzi uburyo bwiza bwo kubika ibiribwa ku buryo bitangirika? Nukurikiza izi nama nta kabuza ibiribwa uzabika mu cyuma gikonjesha (frigo) nta kibazo bizahura na cyo.

Mbere n amber ugomba kureba niba amashashi ugiye kubikamo bibyo biribwa asukuye neza .ibi bivuze ko niba uvuye guhaha utagomba kubika ibyo wahashye mu mashashi wabiguriyemo kuko aba yagiye akorwaho n’amantu batandukanye bityo ugomba kuyahindura.

Nujya kubishyira mu cyuma gikonjesha, uzabanze ubishyire muri ya shashi wabanje gutunganya neza cyangwa mu tubuwate tugenewe kubikwamo ibiribwa.

Ugomba kumenya ko hari ibikoresho bimwe na bimnwe bikozwe muri plastiki cyamgwe mu birahure bishobora kwanngizwa n’ubukonje. Ikindi ni uko iyo ubitse ibiribwa bitimo amazi mu cyuma gikonjesha’uko bigenda bikonja ya mazi agenda yongera umubyimba(volume) uko agenda afata ubukonjekandoi ntukuzuze cyane icyo wabitsemo ujye usiga akanya bihumekeramo.

Ese ni gute wateka ibiryo ushaka kubika mu cyuma gikonjesha?

Mbere na mbere ugomnba kubanza ukoza imboga neza zigacya ku buryo microbe zose zishiramoigihe uri buzishire mu biryoi utetse. Hanyuma ukirinda gushyira umunyu muri ibyo biryo kuko iyo umunyu ugeze ahantu hakomnje urashonga bikaba byatuma rero cya cyuma gikonjesha kirusha gukonja ubwacyo ntikigire umumaro kuri bya biryo wagishyizemo.

Niba ari inyama ugiye gushyira muri cya cyuma gikonjesha banza uzigabanyeho ibinure ku buryo bushoboka kuko ibinure Bizana umwuka mubi vuba. Ikindi ugomba kuzirikana igige ugiye kubika ibitibwa mu cyuma gikonjesha ni ukubanza ukareba igipimo cyo gukonjesha icyo cyuma kiriho. Byaba byiza ushyize ku gipimo kiri hagati ya degre 24 - 32°C, aho kuba degre 18°C zisanzwe. Ibi bituma ibyo wakonjesheje bifata ubukojnje vuba bigatuma hatazamo ibibumbe binini bya glace muri bya biribwa wabitse mu cyuma gikonjesha.

Ibibazo 10 ugomba kwibaza mbere yo gutandukana n’umukunzi wawe

2012-02-19T01:24:00.000-08:00

Gutandukana n’umukunzi wawe, umugabo/fiancé (e), si ibintu byoroshye na mba.Hari abatandukana babihubukiye, nyuma bakifuza kuba bakongera kubana cyangwa gukundana n’abo bashwanye, ugasanga ntibibashobokeye cyangwa bakabigeraho bibagoye cyane. Dore ibibazo 10 muba mugomba kwibaza mbere yo gufata umwanzuro wo gutandukana.

1- Ese nagerageje ibishoboka byose ngo twe gutandukana?

Mwagiranye ibihe byiza kenshi kandi igihe kirekire, none ubu, ntakinyikoza. Ahora ambwira ko akazi kabaye kenshi, hakaba nubwo muhamagara ntanyitabe. Ntabwo tukigirana ibihe byiza nka mbere. Mfashe umwanzuro, ngiye gutandukana na we nta nteguza. Oya ! banza ugerageze uko ushoboye, umenye impamvu aguha niba ari ukuri, ndetse unegere inkoramutima zawe zikugire inama. Mbere yo gufata icyemezo cyo gutandunana na we, banza ugerageze ibishoboka byose nibinanirana ube ari bwo ufata umwanzuro wo gutandukana.

2- Ese dufitanye imishinga yo mu gihe kizaza, dufite icyerekezo kimwe muri gahunda ziri imbere ?

Reba niba mufite imishinga imwe mu gihe kizaza. Tuzabyarana abana bangahe ? dufite kuzakora iki n’iki mu bihe biri imbere…Niba ubona mudafite icyerekezo kimwe, cyangwa hari ibintu byinshi mutumva kimwe kandi atava ku izima. Aho ushobora kurekana na we niba wumva udashobora kugendera ku murongo aguha cyangwa uwo wowe umuha, cyangwa se ngo mubashe kugirana ibiganiro kugira ngo mwumve ikiri ukuri muzakora cyangwa muzakurikiza mu buzima bwanyu buri imbere.

3- Ese nidutandukana nibwo nzagira ibihe n’ubuzima bwiza kuruta turi kumwe ?

Reba niba uko mubanye byibuze ari sawa ahubwo yenda akaba ari wowe udashobotse. Ushobora kurebera ku bandi bagenzi bawe nubwo mu rukundo buri wese akunda ukwe. Ariko gereranya urebe niba nimurekana ari bwo bizakugendekera neza kurushaho.

4- Ese simfashe icyemezo mpubutse cyangwa imburagihe ?

Reba neza niba icyemezo ufashe utagihubukiye. Reba niba waragerageje bihagije. Reba niba mu nama inkoramutima zawe zakugiriye waragerageje kuzikurikiza bikanga. Fata umwanya uhagije n’igihe gihagije cyo kubitekerezaho.

5- Ese mu by’ukuri kuba ngiye gutandukana na we ndi mu kuri cyangwa ni jye munyamafuti ?

Zirikana yuko niba ari wowe munyamafuti, n’undi muzahura uzongera ugongane na we. Ese kuba tugiye gutandukana aho nticyaba ari ikibazo gishingiye ku bijyanye no gutera akabariro gusa? Aho uzaba uyobye cyane. Gerageza gushaka ubundi buryo mwakemura ikibazo ubundi ibintu bigaruke mu buryo.

6- Ese niba ari we umpemukira njyewe nshobora kubyihanganira, kumubabarira no kumukosora tudatandukanye ?

Ashobora kuba akubeshya, aguca inyuma, muri make wumva akugambanira rwose. Niba wumva udashobora kubyihanganira, udashobora kumubabarira, kandi na we akaba atabivaho. Ushobora gufata umwanzuro rwose mugatandukana mu gihe ari wo muti usigaye wonyine.

7-Ese umuryango wange turabyumva kimwe ?

Mu kinyarwanda baravuga ngo umutwe umwe wifasha gusara ntiwifasha gutekereza. Banza urebe niba abo mu muryango wawe ba hafi babyumva kimwe nawe. Urugero, nka mama wawe, mwene nyoko wibonamo…ariko nanone ukabigiramo ubwenge kuko ushobora gusanga abo bakurusha cyangwa bamurusha amafuti.

8- Ese si jye nyirabayazana ?

Ni ngombwa rwose kwisuzuma ukongera ukisuzuma ukareba neza niba atari wowe uteza amahane. Mbese ko atari wowe nyiri amafuti no kutabana neza. Ubundi rero nuvumbura ko ari wowe nyirabayazana, wikosore, nusanga atari wowe…

9- Ese ubundi nzabasha kumureka neza neza ?

Abenshi bafata bene uyu mwanzuro, ariko ejo bagatangira kwirirwa barira cyangwa bagata umutwe bumva bashaka gusubirana na bo batandukanye. Mbese bakumva batabaho batabana na bo batandukanye. Ni ngombwa rero kureba niba ufite imbaraga zo gufata icyemezo ukanagishyira mu bikorwa.

10- Ese ubundi nubwo nshaka gutandukana na we ubundi ndacyamukunda cyangwa ntakimbamo ?

Niba wumva ukimukunda, ukifuza kumubona mu maso mubyutse, ukifuza kumupfumbata, nyamuneka itonde kurekana na we !! niba wumva ntacyo akikubwiye, wabona nawe utakimukunda, mbese utakimwibonamo, aho urumva iyo bijya.

Ngibyo ibibazo 10 uba ugomba kwibaza mbere yuko ufata umwanzuro wo gutandukana n’umukunzi wawe nkuko tubikesha Plurielles.fr.

Iby'akaruhuko ka saa sita

2012-02-19T01:23:00.000-08:00

Hari abantu benshi batekereza ko badashobora kubona umwanya wo gukora sieste cyangwa akaruhuko ka saa sita bitewe n’uko bashobora kuba bafite akazi katabibemerera cyangwa ibindi biba bibahugije mu ma saha ya sieste. Nyamara ubushakashatsi bwemeje ko sieste nziza ari ikozwe nyuma y’ifunguro rya saa sita mu minota 20 gusa, kandi ngo aho kuyikorera si ikibazo kuko wayikorera no mu biro, mu modoka,ndetse no mu busitani butuje.

Bamwe bavuga ko atari byiza gukora sieste kugira ngo utabura ibitotsi nijoro, nyamara kiriya gihe gito, umuntu afata cyo gukora akaruhuko ka nyuma ya saa sita, gituma nijoro umuntu asinzira neza, ndetse kikanongera ubumenyi. Ndetse ubushakashatsi bwerekanye ko sieste irinda indwara nyinshi harimo nk’indwara y’umutima ndetse ngo ituma uwayikoze agira ibitotsi byiza mu ijoro.

Uko umuntu agenda akura ibitotsi bigenda bigabanuka. Ubushakashatsi bwakozwe bwerekanye ko 50% by’abantu barengeje imyaka 65 baryama nabi, ibi bikagaragarira mu kubona ibitotsi bibagoye byaba binabonetse bikaba iby’akanya gato kandi bikarangwa no gushiguka kwa hato na hato. Ibi bikaba bituma benshi muri aba bantu bakuru bareka gukora sieste. Nyamara nta wakwirengagiza ko ibi bijya bibaho ko iyo umuntu yaruhutse saa sita hari igihe yumva nta bushake bwinshi afite bwo kuryama nijoro.

Nyuma y’ibi abashakashatsi b’abanyamerika bagaragaje ko ari ukwibeshya kumva ko iyo wakoze sieste ubura ibitotsi nijoro, ahubwo bavuga ko ari ingenzi cyane. Ubu bushakashatsi bwakorewe abantu bashaje 32 bafite imyaka hagati ya 55 na 85, babategetse kumara iminsi 3 ikurikiranye bamwe bataryama abandi bakora sieste mu masaha ya saa munani na saa kumi. Nyuma byagaragaye ko gukora sieste nta hantu na hato bihuriye no kubura ibitotsi mu ijoro. Ahubwo byagaragaye ko aba bakecuru n’abasaza akaruhuko ka saa sita gatuma bagira ibitotsi byiza kurushaho.

Bagasoza bagira inama abantu ko ibitotsi byo ku manywa ntaho bihuriye n’ibyanijoro bityo ngo uwumva afite ibitotsi ku manywa kandi abifitiye n’umwanya yagombye kuruhuka bityo ubwonko bwe bukarushaho gukora neza.

ingaruka zo guhindura ibara ry’uruhu

2012-02-19T01:22:00.000-08:00

Hari ubwo ushobora kubona ugenda usaza, nyamara wowe ugikeneye gukomeza kwibera umwana muto. Wa umugani w’imvugo igezweho !

Hari uburyo bwinshi bukoreshwa rero n’ubwo buhenze kuko bukoreshwa n’ufite ifaranga ritubutse wenyine. Aha twavuga ibyo bita chirurgie esthétique mu rurimi rw’igifaransa, aho baguhindurira igice cy’umubiri wawe nk’uko ubyifuza.

Aha twatanga urugero nko ku cyamamare muri muzika, uwahoze ari umwami w’injyana ya pop, Michael Jackson wabashihe kubukoresha.Ushobora kandi kwisiga amavuta atukuza uruhu ukanakaraba amasabuni arugenza atyo.

Ariko se gushaka kugarurira uruhu itoto nta ngaruka byaba bigira ku ruhu rw ‘umuntu no ku buzima bwe muri rusange ?

Micro-dermabrasion ni uburyo bugezweho bugerageza kugabanya ingarukan mu kongera kugarurira itoto uruhu rwagaragazaga ko rurimo rusaza.

Gusa nk’uko tubikesha urubuga www.shopunt.com, ngo niba ufite uburwayi nka Diabete si byiza kubukoresha kuko uba ufite urugero rw’isukari mu mubiri wenda rudakenewe kwongerwa cyangwa kugabanywa. Bityo rero ngo ikaba yakongerwa n’ibikoreshwa muri ubwo buryo nk’amavuta n’ibindi. Bikaba ngo ari byiza kubanza kubaza muganga mbere yo gukoresha ubwo buryo ugira ngo ugarurire itoto uruhu rwawe.

Abandi batemerewe gukoresha ubu buryo ngo ni nk’abafite indwara nka rosacée (indwara y’uruhu ifata mu maso, igatera amabara atukura ku matama, ku izuru ndetse no ku gahanga. Abandi ni abafite ibibazo by’indwara y’imiyoboro y’amaraso (capillaires dilates), indwara zose zimunga ubudahangarwa bw’umubiri n’iz’uruhu zitandukanye.

Ingaruka zo ni nyinshi. Hari ukuba uruhu ruhindura ibara wenda utifuzaga, kuba wagira ikibazo bikaba ngombwa ko bakudoda, indodo zikanga gufata mu ruhu kubera amavuta n’imiti ikoreshwa basiga umuntu kugira ngo uruhu rumere uko babyifuza, guhora wisiga amavuta y’ubwoko bumwe, kuba wakurizamo cancer y’uruhu ndetse no gufatwa byoroshye n’izindi ndwara z’uruhu zitandukanye.

Ibyiza rero ni ukugumana uruhu rwawe ukarwishimira kandi ukanyurwa na rwo, gusa nuramuka ugize ingaruka zo gukora bimwe mu byavuzwe haruguru, ihutire kwegera muganga ubihugukiwe agufashe.

Kunywa inzoga ukarenza urugero bishobora kugutera uburwayi butandukanye

2012-02-19T01:21:00.000-08:00

Abantu benshi ku isi bakunze kunywa inzoga nyinshi bitewe no kumva zibaryoheye, cyangwa biturutse se ku mikoro yabo, ariko iyo umuntu azinyoye ku rugero rwo hejuru inzoga zishobora kuba nyirabayazana w’urupfu kurusha izindi ndwara zikomeye zirimo nka kanseri, igituntu, cyangwa umwijima. OMS/WHO, ku rubuga rwayo rwa interineti, iravuga ko 4% mu mpfu za buri mwaka ziba zitewe n’ingaruka zo kunywa inzoga ku buryo bukabije.

Ngo kunywa inzoga nyinshi bishobora kuba nyirabayazana w’indwara zigera kuri mirongo itandatu (60) zitandukanye harimo nka Kanseri y’amabere, iy’umuhogo, umwijima, iy’imyanya myibarukiro y’abagabo (prostate), n’izindi nyinshi zishobora kuza biturutse ku kunywa inzoga nyinshi.

Uwitwa Vladimir Poznyak, umuhanga w’Umurusiya mu by’ubuzima, atangaza ko mbere y’umwaka wa 2004 abahanga batari bakavumbuye ko kanseri yo mu mabere ishobora guturuka ku kunywa inzoga nyinshi.

Mu bushakashatsi bwe yakomeje avuga ko hari n’ubwoko bw’igicuri buterwa no kunywa inzoga nyinshi. Ubu bushakashatsi bukaba bugaragaza ko abagabo ari bo banywa inzoga cyane bikabije kurenza abagore ku isi. Abagabo bagera kuri 11% bakaba bagira ibihe byo gusinda bikomeye buri cyumweru nk’akamenyero.

Hifashishijwe inkuru ya Izuba Rirashe, Dr Ndagijimana James, Inzobere mu kuvura indwara z’imbere mu mubiri atangaza ko kunywa inzoga zirengeje urugero bigira ingaruka nyinshi ku mubiri kuko zigenda zikangiza imikorere y’ubwonko.

Yasobanuye ko zihita zijya mu maraso ugasanga zishobora gutuma umuvuduko w’amaraso ugenda gake cyangwa ukihuta. Ibi kandi bikaba ari bimwe mu bitera uburwayi butandukanye umuntu aba ashobora guhura na bwo.

Inzoga kandi ziri mu bitera ubukene mu miryango, aho usanga zitera umuntu gutakaza ubushobozi mu mikorere ye (responsabilite), impanuka, mu mihanda, urugomo, ubusambanyi, Sida, gutera cyangwa gutwara inda zitateganijwe, n’izindi ngaruka nyinshi zitandukanye.

Sobanukirwa ibijyanye n’igikorwa cyo gutanga amaraso

2012-02-19T01:20:00.001-08:00

Mu mwaka wa 1628, niho umuganga w’icyamamare w’Umwongereza William Harvey yavumbuye uko amaraso atembera mu mubiri. Mu mwaka wa 1665 ni bwo kuvuza amaraso byageragejwe bwa mbere hakoreshejwe amaraso y’inyamaswa, gusa iryo gerageza ntiryagenze neza kuko abayahawe bose bapfuye, bituma bihagarikwa.

Mu mpera z’ikinyejana cya 19, undi muganga w’Umwongereza w’inzobere mu byo kubyaza witwa Blundell yasobanuye ibibazo by’uburwayi bituruka ku gutakaza amaraso menshi n’ uburyo byakosorwa no guhabwa amaraso maze aba uwa mbere mu kuvuza amaraso y’ abantu ndetse agaragaza ko umuntu adashobora guhabwa amaraso y’ inyamaswa.

Mu mwaka wa 1901, ni ho umuganga wo muri Otirishiya witwa Karl Landersteiner yavumbuye ubwoko bw’amaraso uko ari bune n’ibibazo biterwa no guhabwa amaraso adahuje ubwoko n’ayawe.

Ibyo byagendeweho mu ntambara ya mbere y’ isi yose maze inkomere z’intambara zibasha guhabwa amaraso. Kubera ubwinshi bw’ abari bakeneye amaraso hatekerejwe uburyo amaraso yaboneka igihe cyose mu bubiko bwabigenewe. Ibyo byagezweho mu ntambara ya kabiri y’isi yose hakoreshejwe uburyo bunyuranye nko kuyagura no kwitabaza imiryango y’abayakeneye.

Umuryango Mpuzamahanga wita ku buzima (WHO/OMS), ushingiye ku bibazo bishobora kuvuka mu guhabwa amaraso nko kuba umuntu yahandurira indwara zinyuranye harimo na SIDA, watanze inama zo guteza imbere uburyo bwo gutanga amaraso ku bushake nyir’ukubikora nta gihembo ategereje.

Mu Rwanda, mbere ya 1976 abagize umuryango w’umurwayi n’inshuti zawo ni bo bonyine basabwaga kubonera umurwayi wabo amaraso. Umurwayi yashoboraga kuhatakariza ubuzima kubera igihe cyashiraga ayo maraso agishakishwa abayatanga babuze kubera ko wenda umurwayi ari nyakamwe, cyangwa se banabonetse ariko ntibahuze n’umurwayi ubwoko bw’amaraso.

Ikindi kibazo kandi gikomeye cyane ni uko nta gihe cyabonekaga kugira ngo ayo maraso apimwe mbere yo guhabwa umurwayi, bityo bikaba byarashobokaga ko umurwayi ahandurira indwara zinyuranye.

Mu mwaka wa 1976, umuryango utabara imbabare w’u Rwanda(Croix-Rouge Rwandaise) ufatanyije n’ uw’Ububiligi (Croix-Rouge de Belgique) washyizeho serivise ishinzwe gushakira amaraso abarwayi yiswe icyo gihe «Umushinga wo Gutanga Amaraso». Kuva icyo gihe, hatangiye gahunda yo gukangurira abantu gutanga amaraso ku bushake nta gihembo bategereje.

Uretse gupima ubwoko bw’ amaraso, ku maraso yabaga yatanzwe hapimwagamo malaria, mburugu n’umwijima wo mu bwoko bwa B.

Mu mwaka wa 1985, hatangijwe gahunda yo gupima virusi itera SIDA, mu wa 1999 hatangizwa gahunda yo gupima umwijima wo mu bwoko bwa C. Icyo gihe hariho ibigo bitandatu byo gutanga amaraso (Kigali, Butare, Ruhengeri, Rwamagana, Gisenyi na Kibuye), ubuyobozi bufite icyicaro i Kigali.

Nyuma ya jenocide yakorewe abatutsi mu 1994, iyo serivise yahinduye izina yitwa «Porogaramu y’Igihugu yo Gutanga Amaraso» (PNTS) igizwe n’ ibigo bitatu gusa (Kigali, Butare na Ruhengeri).

Kuva mu mwaka wa 2005 kugeza magingo aya, Porogaramu yo Gutanga Amaraso yemewe nk’Ikigo cya Leta kigengwa na Minisiteri y’ Ubuzima maze ihindura izina yitwa Ikigo cy’Igihugu cyo Gutanga Amaraso (NCBT/CNTS). Kuri ubu, NCBT-CNTS ibarizwa mu kigo RBC (Rwanda Bio-medical Centre).

Icyo kigo gifite inshingano zo kubonera amaraso abarwayi bayakeneye hakoreshejwe gusa uburyo bwo gutanga amaraso ku bushake nta gihembo umuntu ategereje.

Kugeza ubu iki kigo gifite icyicaro mu mujyi wa Kigali ari naho hari RCBT Kigali (Regional Centre for Blood Transfusion / Kigali), kikagira andi mashami 4 ari yo: RCBT Huye (mu Ntara y’Amajyepfo), RCBT Ruhengeri (mu Ntara y’Amajyaruguru), RCBT Rwamagana (mu Ntara y’Iburasirazuba) na RCBT Karongi (mu ntara y’ Iburengerazuba).

Icyicaro gikuru cya RBC/NCBT-CNTS giherereye i Kigali, mu Murenge wa Nyarugenge, ahateganye na Hoteri Serena.

Imibonano mpuzabitsina ni ngombwa ku mugore utwite ariko akabyitondamo

2012-02-19T01:20:00.000-08:00

Imibonano mpuza bitsina ni bimwe mu bintu bya mbere byubaka umubano mwiza hagati y’abakundanye; cyane rero ngo iyo umugore atwite birafasha ariko birushaho kuba byiza iyo hakurikijwe inama z’uko babikora ntibigire ingaruka mbi ku mwana no ku mugore.

Nk’uko tubikesha urubuga rwa internet: forum.doctissimo.fr, ngo hari ibintu 8 abantu baba bagomba kwitwararika igihe bategereje umwana.

1. Iyo murimo gukora imibonano mpuzabitsina, biba byiza iyo umugore agiye hejuru y'umugabo cyangwa akaryamira urubavu mu gihe inda itangiye kuba nkuru.

2. Ku nda itaraba nkuru ngo binogera umugore iyo umugabo we amwinjiramo bihagije.

3. Amazi cyangwa umuyaga (cyangwa ikindi kintu) ntibigomba kugaragara mu gihe cyose muri mu mibonano mpuzabitsina umugore atwite. Gukoresha intoki na byo ngo si byiza.

4. Kumva, gusetsa uwo muvugana ngo biba ibintu byiza mu kubaka urugo neza mu gihe umugore wawe atwite.

5. Umugore afite ubushobozi bwo kuba yavuga ngo "oya" mu gihe atiyumvamo gukora imibonano mpuzabitsina mu gihe atwite.

6. Niba umugore afite ikibazo cyo kutarangiza neza mu gihe mukora imibonano mpuzabitsina, biba byiza iyo ihagaritswe mukegera muganga akababwira icyo gukora.

7. Kwirinda gukora imibonano mpuzabitsina igihe cyose mugiriwe inama yo kutayikora na muganga umwitaho.

8. Imibonano mpuzabitsina igomba guhagarara igihe cyose umwe muri mwe yagaragaje ko afite uburwayi bwandurira mu myanya ndangagitsina nk'agakoko gatera SIDA n izindi ndwara zandurira mu mibonano mpuzabitsina ; kwifata byakwanga mugakoresha agakingirizo.

Akamaro k’umwuka wa oxygene ku buzima

2012-02-19T01:19:00.000-08:00

Oxygene ni umwuka w’ingenzi ku buzima bw’abantu. Abahanga bavuga ko nta oxygene, nta buzima kubera uburyo buri kinyabuzima cyose gikenera uyu mwuka ugira akamaro kanini mu guhumeka.

Ni yo mpamvu ari ngombwa kwirinda ibishobora kuwuhumanya nko gutwika imyanda itandukanye izamura umwotsi wuzuye imyanda mu kirere, imyotsi iva mu mamashini y’inganda ndetse no kwirinda kwica inyamaswa zikarekerwa hejuru y’ubutaka kugeza aho zibora zigatanga umwuka utari mwiza, ibyo byose bikaba bihumanya uyu mwuka.

Nk’uko tubikesha urubuga www.lenntech.fr, ngo si byiza ko umuntu yitegera uyu mwuka ari mwinshi, cyane ko guhumeka uyu mwuka ku kigero cya 50-100% ku gihe kirekire bishobora kwangiza ibihaha. Ngo abantu bakorera imirimo yabo ahantu hateganye n’urugero ruhanitse rw’uyu mwuka ngo bagomba kubanza kwimenyereza igihe gito gukorera aho hantu no kwisuzumisha ibihaha kwa muganga mbere yo gutangira gukorera bene aho hantu mu rwego rwo kwirinda ibyo bibazo by’ibihaha.

Nk’uko bikomeza bitangazewa n’uru rubuga, ngo ni byiza guhumeka umwuka wo mu museke (ni ukuvuga bugicya), umwuka wo kunkengero z’amazi magari nko ku biyaga, inzuzi ndetse n’inyanja kuko ngo uba utarahura na carbone cyangwa umwuka uba wamaze kwandura. Ushobora kandi ngo kwambara ibigukingira ahari umwuka wahumanyijwe nka casque cyangwa akantu gafunga amazuru.

Gukora siporo ngo na byo biri nu byongerera ibihaha kutazahazwa n’ibibazo by’imihumekere. Kwirinda itabi kuko rbiitera kanseri ndetse n’izindi ndwara, biri mu byatuma oxygene igirira akamaro umubiri byimbitse.

Uru rubuga rusoza rutubwira ko ari byiza ko oxygene yongerwa haterwa ibiti kuko ari bimwe mu bituma uyu mwuka wiyongera mu kirere.

Irinde ipfuka ry’umusatsi

2012-02-19T01:17:00.001-08:00

Nk’uko tubikesha urubuga www.chutedecheveux.org, ngo ubusanzwe igihe kigenwe cy’ikura ry’umusatsi ni ukuva ku myaka 2 kugeza kuri 6. Buri musatsi ukura mu burebure bungana na santimetero imwe buri kwezi muri icyo gihe cy’ikura ryawo bita anagène mu rurimi rw’igifaransa.

Hafi 90 % by’umusatsi biba biri muri icyo gihe hagati hagati y’imyaka yavuzwe haruguru, mu gihe 10% byawo na byo biba biri mu gihe cy’ikiruhuko ; ni ukuvuga wo utarimo gukura, ari cyo gihe bita catagène. Nyuma y’amezi abiri kugeza kuri atatu, umusatsi wari mu kiruhuko cyanngwa utari mu gihe cy’ikura, utangira gucika no kugenda upfukagurika, ari cyo gihe bita télogène, bityo ugasimburwa n’undi ugenda umera.

Bibaho ko buri munsi muri icyo gihe umuntu atakaza umubare runaka w’umusatsi, munsi y’umusatsi ungana na 60, ni ukuvuga ubaze umusatsi ku wundi. Inshuro nyinshi umuntu ashobora gutakaza umusatsi umusubizo cyangwa umubare utari muto kandi mu gihe gito. Ibi kandi ngo bikaba bigaragara ku bagabo, abagore ndetse n’abana.

None se ni iki cyaba gitera iryo pfuka ridanzwe ry’umusatsi?

Nk’uko bikomeza bitangazwa n’uru rubuga : www.chutedecheveux.org, ngo impamvu zaba zitera uku gupfuka k’umusatsi si nke. Urugero, ngo kuva ku mezi 3 kugera kuri 4 nyuma yo gukira indwara ikomeye cyangwa nyuma yo kuva kubagwa bikomeye (chirurgie majeur), ngo birashoboka cyane ko umusatsi ugenda upfuka vuba vuba. Uko gutakaza umusatsi ngo akenshi bituruka ku kuba umuntu atameze neza mu mubiri, cyangwa kuba umuntu afite umunaniro ukomoka ku ndwara umuntu akize (stress) ; gusa ngo bimara igihe gito.

Na none kandi ngo ihindagurika ry’imikorere y’imisemburo mu mubiri , no kuba umuyoboro bita glande thyroïde ukora kandi ukanavubura imisemburo bita thyroxines waba ufite akazi kenshi cyangwa urimo gukora buhoro. Ngo ibyo na byo bishobora gutera uko gutakara k’umusatsi.

Ubundi ngo bishobora guterwa no kuba imisemburo ya kigore na kigabo (androgènes na oestrogènes) ishobora kuba itarimo gukorana neza cyangwa itarimo gukora uko bisanzwe. Ngo iryo takara ry’umusatsi kandi rishobora guterwa n’indwara nka lupus cyangwa diabète, kandi ngo hari ubwo itakara ry’umusatsi riba ryerekana ibimenyetso by’indwara iba iri mu mubiri umuntu aba ari hafi kurwara.

Infections zimwe na zimwe na zo ngo zishobora kuba intandaro y’itakara ry’umusatsi ku bana, zikaba ngo zivurwa n’imiti bita antifongiques.

Uru rubuga kandi rukomeza rutangaza ko niba ufite umusatsi wegeranye cyane n’uw’irende cyangwa utagirirwa isuku bigatuma wuma ntiworohe, kandi ugakunda no gukoresha ibisokoza umusatsi bifite udusokoresho twegeranye cyane ngo bishobora na byo gupfura umusatsi.

Mu rwego rwo gukumira icyo kibazo ubungabunga umusatsi wawe neza, ngo muri rusange ni ukwivuza indwara ziterwa ahanini n’impinduka z’imisemburo yavuzwe haruguru, ari zo bita maladies thyroïdiennes, no kwegera muganga ubihugukiwe akagufasha kumenya ikibazo kibitera bityo akakugenera n’imiti ikwiririye, ubundi hakabaho no kwigengesera igihe usokoza umusatsi wawe.

Sobanukirwa n’ingaruka z’imibonano (mpuzabitsina) ikorerwa mu kibuno

2012-02-19T01:17:00.000-08:00

Ubu bwoko bw’imibonano (bushobora kwitwa mpuzabitsina kuko ihuza igitsina n’ikibuno) ngo bukorwa igitsina cy’umugabo cyinjizwa mu nnyo y’uwo barimo kuyigirana, yaba umugabo cyangwa umugore, bukunda gukorwa cyane n’ab’igitsina gabo bayigirana bahuje n’ubundi igitsina, bamwe bita aba-homosexuels. Ariko ngo mu migi myinshi n’abadahuje igitsina baragenda bakururwa n’ iyi mibobano itari imenyerewe na benshi.

Inkuru dukeshja urubuga rwa internet www.lifemojo.com, ngo benshi bafata iyi mibonano mpuzabitsina nk’uburyo bushya kandi bwiza, kubera ko mu nnyo ari igice cy’umubiri kigira ibyumviro (organe sensible) bitera ibyishimo kandi ikaba ifite ubugari butari bunini ngo nk’ubw’igitsina cy’umugore, ku buryo ibyo bishobora gutuma igitsina cy’umugabo cyakira uburyohe vuba kandi ngo bikananyura uwo barimo kubikorana.

Ingaruka ntizoroshye !

Nk’uko dukomeza tubikesha uru rubuga, ngo iyi mibonano ishobora kugira ibyiza byayo, ariko ingaruka na zo ni nyinshi igihe habayeho akamenyero ko kuyikora.

Nk’uko bigenda ku mibonano mpuzabitsina isanzwe idakingiye, hari ingaruka zo kwandura indwara zandurira mu mibonano mpuzabitsina nk’agakoko gatera SIDA, kanseri y’innyo, imitezi, mburugu, uburagaza, tirikomonase n’izindi.

Ubushakashatsi bwagaragaje ko abantu bakunda gukora iyi mibonano bagira amahirwe make yo kuba umubiri wabo wahangana na microbes zinjirira mu nnyo. Iyi mibonano kandi ngo ni mibi cyane kuko ikorerwa muri kimwe mu bice bigira umwanda by’umubiri, kuko haboneka cyane udukoko twinshi dutera indwara (microbes), cyane cyane mu gice cy’innyo bita umwoyo (rectum).

Uretse kuba innyo ari igice gishobora n’ubundi kwandura indwara mu buryo bworoshye bitewe n’uburyo haba horoshye, n’ubundi ngo iyo igitsina cy’umugabo kirimo kwinjizwamo , ngo habaho kubabara igihe umuntu atarabimenyera. Gusa ngo ikoreshwa ry’amavuta yabugenewe rishobora kugabanya uburibwe igihe cy’iyi mibonano.

Izindi ngaruka ni nko guhorana udukomere mu nnyo, ugahoranamo uburyaryate budashira ukumva wahora uhashima, gucika kw’agace kitwa sphincter gatuma umuntu atituma uko bije kose, noneho umuntu akaba yatangira kuzajya yiyitumaho no mu nzira.

Ni byiza rero guha agaciro ubuzima hirindwa ingaruka z’iyi mibonano mpuzabitsina kurusha guha agaciro iki gikorwa kitari na cyiza muri rusange, nk’uko byemezwa na benshi bakinenga.

Kugabanya ibiryo bikungahaye ku mavuta ni ukwirinda ibyago byo kurwara umutima

2012-02-19T01:16:00.002-08:00

Nk’uko tubikesha urubuga rwa internet «en.wikipedia.org/wiki/Health_care» n'urubuga rwa Minisiteri y’Ubuzima, bigaragaza uburyo indwara y’umutima igenda ikwirakwira ku isi bitewe n’imirire igiye itandukanye abantu bagenda bafata.

Indwara z’umutima n’imiyoboro y’amaraso zihitana abantu babarirwa muri miliyoni 17 n’ibihumbi 500 buri mwaka ku isi nzima.

Mu Rwanda by’umwihariko, nta bushakashashatsi burabikorwaho. Ariko Dr Joseph Mucumbitsi, Umuyobozi w’Umuryango w’Umutima mu Rwanda avuga ko ubushakashatsi bwakozwe mu bitaro bya Rwinkwavu bwerekanye ko 20% by’abarwayi bajya kuhivuza, indwara zabo ziba zifitanye isano n’umutima.

Agira ati “Ari uku bimeze mu gihugu hose byaba biteye inkeke.” Ni na yo mpamvu asaba abashingamategeko b’u Rwanda gukora amategeko akumira imyitwarire yongera ibyago byo kurwara indwara z’umutima.

Mu biza ku isonga mu gutera indwara z’umutima harimo imirire, itabi, umubyibuho ukabije, no kudakora imyitozo ngorarangingo.

Muri iri nkuru, nubwo nigeze kubibaganiriraho reka nongere mbasabe kugabanya ibiryo bikungahaye ku binure cg mvuge ku mavuta da. Cyane mwe mukunda kurya ibiribwa bituruka ku nyamaswa ni mwe mwiyongerera ibyo byago.

Mu kiganiro, Dr Mucumbitsi yeretse abashingamategeko amafoto agaragaraho ibiribwa nk’ibi. Hariho za Hamburger, boulettes, za mayonnaises. Yaberetse kandi ifoto y’umunyamerika wibanira n’uburiri kubera umubyibuho ndengarugero, ibicece bitendera, amabere ye asa yarabaye maremare kandi yari umugabo. Uriya muntu ntiyari akibasha kwiyegura kuko ibiro byarenze ubushobozi bwe.

Abanyarwanda bakaba bakangurirwa kwirinda indyo zishobora gutera ibibazo umubiri wabo kuko izo ndwara zikunda kugora mu kuzivura, rimwe na rimwe n’abafite ubushobozi bakagomba kujya kuzivuriza mu bihugu byo hanze.

Uburyo bwo kumenya ko ubana na kanseri y’ijisho

2012-02-19T01:16:00.001-08:00

Kanseri y’ijisho ni kanseri igaragara mu gihe utunyangingo twa kanseri twiyongereye tukaba twinshi muruhu rw’ ijisho.

Iyi kanseri y’ijisho irimo amoko abiri ari yo le retinoblastoma na le melanoma. Le retinoblastoma ikaba ikunze kwibasira abana bari munsi y’imyaka itanu, mu gihe le melanoma yibasira abantu bakuru, nk’uko tubikesha urubuga rwa internet mode de vie anticancer.com.

Dore bimwe mu bimenyetso biyiranga

Gutakaza imbaraga mu mirebere
Kugira utudomo twinshi mu jisho
Gukanura gake bidasanzwe
Kugira agahu k’umweru iruhande rw’imboni
Kureba buri gihe utumbiriye
Bimwe mu bitera iyi kanseri

Mu by’ukuri, igitera iyi kanseri kugeza ubu ntikiramenyekana ariko ku bantu bakuru, ngo iyi kanseri iterwa n’ubwiyongere bukabije bw’utunyangingo twa kanseri ari two bita métastases mu rurimi rw’igifaransa. Ikindi kivugwa ni uko iyi kanseri ishobora guterwa n’uko ari uruhererekane rwo mu muryango ari byo bita “Les facteurs génétiques” mu rurimi rw’igifaransa, ikaba ikunze kwibasira abana ari byo bita des rétinoblastomes mu rurimi rw’igifaransa.

Sobanukirwa indwara y’agahinda n’uko yakwirindwa

2012-02-19T01:16:00.000-08:00

Indwara y’agahinda ni indwara ifata abantu bakagaragazwa no kuba barahungabanye, bakagaragara ko badafite ingufu ndetse bakaba badashobora gukomeza ibyo baba barimo. Bakunda guhora bahuzagurika, bakaba bagaragara nk’abatishimiye ubuzima bigaragazwa no kwiheba bikabije cyane.

Iyi ndwara ikunda kwibasira abantu bahuye n’ibibazo bikomeye mu buzima, abibana basa nk’aho bari mu isi ya bonyine ndetse n’abantu babana n’indwara zikomeye zidakira (maladies inculables) nka SIDA na kanseri

Iyi ndwara akenshi iterwa n’ibibazo byo mu muryango igihe badashobora kubibonera ibisubizo bikwiriye, kugira ubukene burenze urugero ntibabashe kubyakira mu buzima bwabo. kuba baranduye indwara zidashobora gukira ntibabashe kubyakira.

Ubushakashatsi bwakozwe bugaragaza ko abarwayi ba SIDA, kanseri n’izindi ndwara zidakira bashobora gufatwa n’iriya ndwara y’agahinda. Na none ngo igihe umuntu abana n’ibibazo by’ihungabana ntibibashe kuvurwa na byo bitera iyi ndwara y’agahinda. Ikindi kandi ngo ababyeyi babaye inshike ntibabashe kubyakira na byo bishobora kubatera iyi ndwara .

Urubuga rwa internet www.umuganga .com rwegereye Uriho Jean Willy, umunyeshuri muri kaminuza nkuru y’Urwanda mu ishami ry’ubuvuzi, agashami k’ubuzima bwo mu mutwe arugaragariza bimwe mu bimenyetso biranga umuntu ubana n’ indwara y’agahinda.

Dore uko abivuga: umuntu agaragara afite mu maso hijimye, kandi yihebye bavuga ko afite indwara y’agahinda igihe bishobora kumara umunsi wose bikagera mu gihe cy’amezi atandatu. Ashobora kugaragaza ibimenyetso byo kwitesha agaciro na byo bitinda bikamara igihe kirekire, kubura ibitotsi cyane cyangwa gusinzira cyane, kuba afite ibitekerezo byo kwiyahura akaba ashobora no kubishyira mu bikorwa, kurya cyane cyangwa kwanga kurya, ibi bituma abasha kwiyongera 10 ku ijana by’ibiro afite.

Kurakazwa n’ubusa bikabije, uyu muntu ashobora guhita ahungira mu gufata ibiyobyabwenge ndetse akaba yakwicira urubanza (sentiment de culpabilité).

Nubwo bimeze bitya, indwara y’agahinda ngo ishobobora kuvurwa igakira. Ubonye umuntu ugaragaje bimwe mu bimenyetso twavuze haruguru, ngo ikintu cya mbere ni ukumukemurira ibibazo bijyanye n’ubuzima, kumufasha gushaka ibisubiso by’ibibazo ufite nko kwita ku bana b’imfubyi cyangwa se ababyeyi batakaje abo bibarutse bose. Na none ngo iyo uramutse ubyibonyeho, ushobora gushaka umuntu mufatanya ibyo uba urimo byose mukajya musangira amagambo (conversations) kuko ngo abantu mubana bo ubwabo bagufasha kubona ibisubizo by’ibibazo ufite. Ngo iyo biramutse bitagushobokeye, ngo ushobora kujya kwa muganga bakagufasha kuguha imiti yitwa anti –depression.

Abahanga bavuga ko iyi ndwara ikunda kugaragara cyane mu rubyiruko kuko igihe cya adolescence ni ho umuntu aba atangiye guhangana n’ibibazo byo mu buzima kandi ataragera ku rwego rwo gusobanukirwa neza ibintu byose bibaho mu buzima. Nanone ikunda gufata byoroshye abantu bahuye n’ibibazo bikomeye kandi bakaba bakibona ingaruka zabyo cyangwa babana n’indwara zidakira.

Vitamine A, indatwa mu kurinda indwara!

2012-02-19T01:13:00.000-08:00

Ubushize twababwiraga ko guhinduranya ibiribwa ari ngombwa ngo ubashe kubona ibyo umubiri ukenera byose. Ubu noneho, twabakusanyirije ibya vitamine A ivugwaho ko ari inyamibwa mu kurinda umubiri kwandura indwara.

Vitamine A ifasha cyane kurinda ubudahangarwa umuntu asanganywe mu mubiri. Akarusho kandi k’ iyi vitamine ngo ni uko iha umuntu kuba yabasha kureba neza, nk’uko tubikesha urubuga rwa murandasi (internet) www.Kezatotv.com.

Ni ngomwa bidasubirwaho gufata ibiribwa bikize kuri iyi ntunga mubiri. Urugero rwa hafi, ngo umuntu yahera ku mafi, umwijima w’ amatungo, amata, ibikomoka ku mata (amavuta ), imboga rwatsi n’ibinyamisogwe.

Abahanga bavuga ko biba byiza kwitonda ugafata ibi biribwa mu buryo buhagije ariko utarengereye ngo ufate ibirengeje ikigero.
Tubibutse ko atari iyi yonyine yatuma ubuzima bwawe burushaho kugubwa neza. Ibuka kurya neza, ugerageza gufata ibintu bitandukanye, kuburyo iyo hari ibyo umubiri wakenera ntubibone mu byo wafashe , wabisanga mu bindi wahinduranyije na byo.

Iyo wabuze rero iyi vitamine (A) tumaze kuvugaho bishobara kugira ingaruka zikomeye ku mikorere y’amaso.

Hagaragazwa ko buri mwaka , abana bagera ku bihumbi 350 bagira ubumuga bwo kutabona biturutse kuri iyo mpamvu.

Ubushakashatsi. Bugaragaza ko miliyoni 140 z’ abana baturuka mu bihugu bigera ku 118 babura vitamine A, maze abapfa batagejeje ku myaka itanu bakagera ¼, muri bo, 30% byabo bakazira kubura vitamine A.

Make Money From Your Blog

2008-06-22T03:01:00.000-07:00

Lis Of DoFollow Blogs

New Bloggers Center

DoFollow Blogs

Best Paying Adsense Keywords

Car Secrets Revealed

Web Gold

Make Money Quik

eMarketing

Income From Ads

Ecash Secrets Revealed

SEO FAQ

Mesothelioma Resource Center

Adsense Secrets Revealed

Best Adsense Advice

Adsense Roadmap

Blog Easily

Adsense Empires

Best Blogger Tips

Dummies Guide To Adsense

Adsense Elite

Adsense Farmer

Dummies Guide To Blogger

Top Adsense Revenue Sharing Sites

Adsense Library

Page Rank Explained

Best Blog Widgets

Adsense Evangelist

Best Blogger Hacks And Widgets

Blogger Custom Domain

Blog Promotion ToolBox

Cell Phones and Driving

2008-06-01T06:14:00.000-07:00

Cell Phones and Driving: Hang Up & Drive for Affordable Liability Insurance and Collision Coverage

Got a call you just have to make on your cell phone while driving your car? Better be sure that your liability insurance and collision coverage are in good shape with your insurer. And, if you're the parent of a newly driving teenager who is also armed with his or her own cell phone, you need to be especially sure that your car insurance for a young driver is up to date because the chances are very high that you'll need it for the inevitable fender-bender, which can also mean good-bye to affordable car insurance.

Talking on the cell phone while driving has created a new "unsafe at any speed" situation on the modern highway. A study by the Insurance Institute for Highway Safety, based in Australia, confirms this with their findings that drivers distracted by yapping on their cell phones while driving are four times more likely to become involved in accidents. Not only does cell phone usage cut down on a driver's ability to hear what's going on around him (such as sirens, car horns, people, etc.), it also takes a driver's attention away from the road.

Add to that statistic the findings of another study by the University of North Carolina, the University of Utah, the University of Illinois at Urbana-Champaign, and the University of Rhode Island that show a person's driving skills while simultaneously talking on a cell phone equate driving while under the influence of alcohol, and you have some pretty significant reasons to be nervous when out on the road. Furthermore, researchers at the University of North Carolina discovered that drivers talking on their cell phones are twice as likely to rear-end the car in front of them as drivers who aren't using phones. However, researchers at the University of Illinois at Urbana-Champaign proved that conversations among occupants in a car produce no similar distraction.

Unfortunately, there doesn't seem to be a single solution to the prevalent "driving while on the phone" problem. Studies show that banning hand-held phones and opting for hands-free mobile phone technologies, such as headsets or Bluetooth ear buds, do not necessarily improve driving safety.

The only real solution to this problem would be to simply turn cell phones off while driving so you won't be tempted to answer that phone call. But, human nature being what it is, this doesn't seem likely to happen on its own. A survey by Nationwide Mutual Insurance revealed that 73 percent of all drivers talk on their cell phones while driving. As a result, several states, including Virginia, Connecticut, New Jersey, New York and Utah, as well as the District of Columbia, have passed laws prohibiting the use of cell phones while driving. Similar laws in California and Washington will go into effect in 2008. Several more states have laws that ban or restrict young drivers from using their cell phones while driving, and in some places authorized personnel can even issue citations for a DWT: Driving While Texting.

------------------------

US Insurance Online CEO Jim Waltrip is a self-taught software developer and entrepreneur with a passion for building things: teams of employees, software, and new systems. Jim started US Insurance Online with business partner Ryan Patterson in May 2005. Visit http://www.USInsuranceOnline.com for insurance shopping help and for free insurance quotes.

The Dangers of Defective Seat Belts

2008-06-01T06:13:00.001-07:00

The Dangers of Defective Seat Belts

Seat belts have the ability to better protect vehicle occupants from fatal accidents than anything else. According to federal statistics, in 2003, the use of seat belts saved nearly 15,000 lives nationwide. However, even more than 6,000 deaths per year are related to the improper use -- or the failure to use -- the proper seat belt restraints during a car crash.

Seat belts save more than lives - they save the nation money. Every year, seat belts save society approximately $50 billion in medical care, lost productivity and other injury-related costs nationwide. But seat belt failure has tremendous costs.

Seat Belt Defects - More Common Than You Think

Though the national average for seat belt use is at a high of 71 percent, due mainly to a $3.7 million "Click It or Ticket" campaign which used paid advertising to encourage seat belt use, nearly 10,000 out of roughly 30,000 automobile crash deaths in 1999 were related to the failure to use seat belts.

However, these statistics do not show the number of people injured or even killed due to defective seat belts. In fact, each year a number of car companies recall automobiles due to defects in seat belt design.

The purpose of wearing a seat belt is so that it can prevent or minimize what is called the second collision. The first collision is when the vehicle makes an impact with another vehicle or object. In the second collision, the occupant of a car makes impact with the vehicle's interior, or is ejected and then hits the ground. Seat belt use helps protect a car's occupants from fatal second collisions with a vehicle's windshield, steering wheel, or roof.

Defective seat belts may not properly restrain occupants of a vehicle due to poor manufacturing or design. These malfunctions include:

. "Inertial unlatching", which takes place when a seat belt becomes unlatched during a collision. Buckles without a "lock-for-the-latch" design are more susceptible to inertial unlatching, in which the latch plate pulls out of the seat belt's buckle. In 1982, a patent by General Motors said that a properly designed latch should be physically blocked in the latched position to prevent unlatching by inertia forces acting on the vehicle body. Despite these warnings, anti-inertial unlatching features are still not used in all seat belt buckles in new cars and the United States government has largely ignored inertial unlatching in its safety guidelines.

. "False latching", which occurs when a seat belt buckle appears to be closed, but is not. False latching causes a passenger to become free from the seat belt instead of being properly restrained. A seat belt is considered to be falsely latched if it pulls free at less than five pounds of pull. False latching can cause passenger ejection from a moving vehicle or serious injury when the passenger collides with the interior of the car.

. Seat belt durability is key. This includes the material and weaving of the belt itself in addition to seat belts that have too much slack and thus load too quickly, disabling the belt's protective webbing. Faulty seat belt retractors are also implicated in seat belt durability accidents.

Some Seat Belt Buckles Safer Than Others

Manufactures are not willing to make information public regarding seat belt buckles that are more prone to fail during crashes. Consumers are unable to make the distinction between safer safety belt models and what type of seat belt is in their vehicles until the information becomes available to the public. Because seat belts become released during a crash, it is hard to statistically tell how many people are killed or injured every year due to their seat belt buckle.

Seat belt litigation is a crucial factor in automobile crashworthiness claims. If you have suffered injury due to seat belt failure, contact an experienced crashworthiness attorney. Your seat belt lawyer can help you assess your case and get the compensation you deserve for your faulty seat belt and related damages.

------------------------

For more on automobile accident statistics, visit http://crash.legalview.com/ . Also find other legal and medical issues affecting millions of Americans each year at http://www.LegalView.com/ . Here, individuals can find information on the potential for a levaquin class action lawsuit or the latest on the Singulair side effects.

The Real Truth About Buying a New Car Online

2008-03-24T08:42:00.000-07:00

Buying a new car thru the Internet - or simply using the Internet to get low bottom-line selling prices - is a great way to save money, time and hassles. But before you decide to take advantage of this exciting free service, it's important to understand what's really happening to avoid bad surprises.

What's Really Going On

When you visit a "buy a car" site, you'll be asked to choose the vehicle make, model and options that you want to buy (or are thinking of buying). You'll also be asked for some basic info such as your name and e-mail address. In return, you'll receive - via e-mail - low bottom-line selling prices for that vehicle from dealerships in your area.

You then compare the various prices you receive and of course choose the lowest one. If you like that low price, you simply go to the dealership, walk right past those hungry car salesmen, sign the papers and drive your new car home - no haggling, no hassles. (If you don't like the price, then do nothing. There's no obligation to buy,or is it)

Easy, huh? Yes. And here's the whole truth:

* The dealerships that give you the price quotes have paid money to the website to grab you as a customer. In other words, the dealerships have paid for the opportunity to have a crack at your business.

* The lowest price you receive may not necessarily be the lowest price that you can buy that new vehicle for. There may be another dealership in your area that's willing to sell it at even a lower price.

* The car salesman or sales manager at the dealership will probably try very hard to sell you other profit-making items such as extended service warranty, paint protection and, of course, financing.

You Need Expert Advice

Don't rush out and buy a car without doing some research. Taking things step-by-step will help you to avoid getting ripped-off. And most importantly, be sure to relax. Remember that the car salesman wants you to be hurried and emotionally-charged so you can quickly buy the car without checking all the facts only to regret later.

First, get your free price quotes from reliable sources .

Once you get the various selling prices for the exact car or truck you want to buy, compare them and choose the lowest. Then, you have several good options:

* You can go to the dealership that gave you the lowest price and buy the vehicle at that price.

* You can try to negotiate the lowest quoted price with the dealership that gave it to you in order to get the price even lower. There's nothing that says you can't.

* You can take the lowest quoted price and shop it around to other dealerships to see if any of them are willing to beat it.

* You can do nothing. If you feel unsure or uncertain, then set it aside. You are not obligated to buy anything. And there's no pressure either. Trust your instincts.

There's no cost, no obligation and no pressure to buy. It's one of the smartest uses of the Internet for car buyers and shoppers.

How to wash a car

2008-03-23T10:27:00.001-07:00

Step 1:
Choose a shady spot, preferably away from trees that are dripping sap or dropping leaves.

Step 2:
Close all doors and windows.

Step 3:
Put one capful of car soap into a bucket and fill it 3/4 of the way with warm water. Set the bucket aside.

Step 4:
Hose any excess dirt off the car, beginning at the roof and working down to the tires.

Step 5:
Lather a sponge or terry cloth rag in the bucket of soapy water and sponge the roof of the car. Spray off excess soap when the entire roof has been cleaned.

Step 6:
Repeat for all four sides of the car, washing one full side including windows, fenders and tires and rinsing completely before going to the next side.

Step 7:
Give the car one final rinse with the hose to get rid of any water spots when all four sides have been washed and rinsed.

Step 8:
Take a chamois leather ("shammy" leather) or towel and dry the car thoroughly by setting the towel flat against the surface of the car and dragging it along the surface to pick up any water spots. Start at the roof and work your way down to the tires.

Step 9:
Wash the windows with a rag soaked in plain water and dry them with a dry rag, or use window cleaner and pieces of balled-up newspaper on both the inside and the outside of the windows.

Step 10:
Give any metal or chrome an extra rubdown to get rid of water spots.

Step 11:
Clean the interior if you have time